Սրտի պսակաձեւ անոթների ստենտավորման վիրահատությունները Հայաստանում անհամեմատ էժանացել են: Այդ մասին սեպտեմբերի 8-ին կառավարության նիստին հայտնել է հանրապետության առողջապահության նախարար Արմեն Մուրադյանը:
Մասնավոր սեկտորում 1 դեղային ստենտը 1,8 մլն դրամ արժեր, իսկ նախնական կորոնարոգրաֆիայով` 2 մլն: Այժմ գինը նվազել է մինչեւ 1,1 մլն դրամ (մոտ 2,3 հազար դոլար. խմբ.):
Երեւանի 8 եւ մարզային 1 բուժկենտրոն արդեն հայտնել են հիվանդների հոսքի աճի մասին: Հետեւաբար նվազում է սրտանոթային հիվանդություններից մահացության ռիսկը, հավելել է նախարարը: Ցածր գները բուժկենտրոններին թույլ կտան ամիսը 30 հիվանդով ավելի ընդունել, պարզաբանել է նա:
«Այսպես, Գյումրիի բուժկենտրոնում գների նվազումից հետո սկսել ենք կրկնակի անգամ հաճախակի կատարել վիրահատություններ», - նշել է նախարարը:
Դրանից հետո հավանաբար կհանվի այն հարցը, որ սրտի վիրահատությունների համար անհրաժեշտ է մեկնել հարեւան երկրներ գնային մրցակցության պատճառով, հավելել է նա:
Նվազել է նաեւ «Պլավիկս» դեղամիջոցի գինը, որը նշանակվում է հիվանդներին պսակաձեւ անոթների վիրահատությունից հետո 1 տարով: Եթե ավելի վաղ 1 փաթեթի արժեքը 10 հազար դրամ էր, այժմ դրա մատակարարներին հաջողվել է պայմանավորվել գները գրեթե 3,5 անգամ` մինչեւ 4 210 դրամ նվազեցնելու մասին, ամփոփել է նախարարը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր