Իրո՞ք շաքարին փոխարինող նյութերը շաքարից վնասակար են

Շաքարին փոխարինողների վնասի՝ կամ այն մասին, որ դրանք նույնիսկ շաքարից էլ վնասակար են, մենք շատ ենք լսել: Բայց մի՞թե իրոք այդ նյութերը այդքան վնասակար են: University of Sydney's Charles Perkins Center եւ Garvan Institute of Medical Research-ի գիտնականները որոշել են համոզվել դրանում: Նրանց հետազոտության մասին հայտնում է Cell Metabolism ամսագիրը:

Հետազոտության շրջանակում գիտնականները առնետների սննդակարգում սուկրալոզա էին հավելում: Որոշ ժամանակ անց նրանք նկատել են, որ այն առնետները, որոնք շաքարի փոխարինող նյութեր են ստացել, ավելի շատ ռաֆինացված ածխաջրածին են գործածել, քան հսկիչ խմբի առնետները: Ռաֆինացված ածխաջրածինների ավելցուկը, հիշեցնենք, որ անմիջականորեն կապակցում են ավելորդ քաշ հավաքելու վտանգի հետ:

Գիտնականները բացատրել են, որ այն առնետների նյարդային համակարգում, որոնք սուկրալոզա են ստացել, ժամանակի ընթացքում սկսել են ձեւավորվել ոչ տիպիկ կապեր, որոնց պատճառով նրանք սկսել են ավելի շատ պարզ ածխաջրածիններ գործածել: Այսպիսով առնետները սկսել են չափից շատ ուտել, ինչը ավելացրել է ճարպակալման առաջացման վտանգը:

Գիտնականները ենթադրում են, որ իրենց ստացած արդյունքները կիրառելի են նաեւ մարդկանց հանդեպ. շաքարին փոխարինող նյութերը կարող են նույն կերպ վնասել մարդկանց ու նպաստել ավելորդ քաշ հավաքելուն:

Շաքարին փոխարինող նյութերի գործածումը ոչ միայն ավելորդ քաշի է հանգեցնում, այլեւ կարող է նպաստել անքնության ու հիպերակտիվության զարգացմանը, հավելել են փորձագետները:

Հետևեք NEWS.am Medicine-ին Facebook-ում և Twitter-ում