• Latest news

Անձամբ բժշկին վճարելու պրակտիկան դեռեւս պահպանվում է Հայաստանում

12 սեպտեմբերի, 2016  18:54

Անձամբ բժշկին կամ բուժքրոջը վճարելու պրակտիկան դեռեւս պահպնվում է Հայաստանում. դա են վկայում NEWS.am Medicine-ի հարցման արդյունքները:

Հարցին, թե անցած տարվա ընթացքում հիվանդանոցներում առիթ ունեցե՞լ եք վճարելու ոչ թե դրամարկղում, այլ բժշկին կամ բուժքրոջը, հարցվածների 61%-ը կամ 1146 հոգի պատասխանել են` բազմիցս: Հարցվածների 8%-ը կամ 154 հոգի նշել են, որ անցած տարվա ընթացքում դա արել են միայն մեկ անգամ, իսկ 17%-ը կամ 320 մարդ խոստովանել են, որ անցած տարի առձեռն չեն վճարել, բայց նախկինում` պատահել է:

Հասկանալու համար, թե ինչ է թաքնված այդ ցուցանիշների ետեւում, հարկավոր է նկատի առնել, թե ֆինանսական ինչ համակարգ է գործում Հայաստանի բժշկական հաստատություններում: Եւ պետք չէ բժշկին վճարելու դեպքերը վերագրել պացիենտների ինքնուրույն ցանկությանը` շնորհակալ լինելու իրենց փրկիչներին: Խոսքն այն դեպքերի մասին է, երբ պացիենտներից պահանջվել է այդ գումարը:

Մասնավոր հիվանդանոցներում հիմնականում վճարումներն արվում են դրամարկղում, եւ սեփականատերը, բնականաբար հետեւում է դրան: Եթե բժիշկը նման բուժհաստատությունում անձամբ է դրամ վերցնում հիվանդից, ծագած առաջին միտքն այն է, որ շրջանցելով դրամարկղը` նա անտեսում է սեփականատիրոջը: Գուցե այդ բժշկին քիչ են վարձատրում, բայց դա բժշկի եւ սեփականատիրոջ խնդիրն է, եւ ոչ երբեք պացիենտինը:

Բժիշկներից մեկը NEWS.am Medicine-ի հետ մասնավոր զրույցում ասել էր, որ երբ հիվանդանոցում, ուր նա աշխատում էր, չկար դրամարկղ եւ սեփականատեր, ինքը վիրահատության համար ավելի քիչ գումար էր վերցնում հիվանդից, քան հետո, երբ հայտնվել է դրամարկղ եւ սեփականատեր: Ընդ որում եւ´ նրա, եւ´ մնացած բուժանձնակազմի բաժինն այդ գումարից ավելի մեծ էր, քան հիմա, երբ դրամը մուծվում է դրամարկղ: Բայց դա, մեր կարծիքով, մենեջմենթի խնդիր է: Այդ հարցերը պացիենտին անհետաքրքիր են:

Ինչ վերաբերում է պետական բուժհաստատություններին, ապա մեր տվյալներով` դրանց մեծ մասում բժիշկներն իրենք պետք է «վաստակեն» իրենց դրամը: Հիվանդանոցից նրանք կա´մ ոչինչ չեն ստանում, կա´մ ստանում են չնչին գումար` անկախ այն հանգամանքից` հիվանդը բուժվում է պետպատվերո՞վ, թե՞ վճարովի հիմունքով: Հենց սա էլ, մեր կարծիքով, պարունակում է կոռուպցիոն ռիսկեր:

Հիշեցնենք, որ ավելի վաղ անցկացրած մեր հարցումը ցույց էր տվել, որ մարդիկ առողջապահության համակարգի կոռուպցիան համարում են անուղղելի խնդիր: Այդ իրավիճակի ելքը շատերի կարծիքով պարտադիր բժշկական ապահովագրության ներմուծումն է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է