• Latest news

Ինչու չի կարելի ցերեկը մեկ ժամից ավելի քնել

16 սեպտեմբերի, 2016  13:14

Երկարատեւ ցերեկային քունն այնքան անվնաս չէ, որքան կարող է թվալ առաջին հայացքից. ճապոնացի գիտնականները պնդում են, որ ցերեկը մեկ ժամից ավելի քնող մարդկանց մոտ 45 տոկոսով մեծանում է դիաբետի 2-րդ տեսակի եւ նյութափոխանակային համախտանիշի զարգացման ռիսկը: Բարեբախտաբար ավելի կարճատեւ ցերեկային քնի դեպքում դիաբետի ռիսկի ավելացում չի դիտարկվում:  

Գիտնականները 21 հետազոտության մետավերլուծություն են իրականացրել, որոնց ավելի քան 300 000 մարդ է մասնակցել եւ հստակ կապ են հայտնաբերել ցերեկային քնի տեւողության եւ դիաբետի ռիսկի միջեւ: Գիտնականների խոսքով, ցերեկային կարճատեւ քունը նույնիսկ օգտակար է դիաբետի կանխարգելման համար, եթե իհարկե համադրվում է ճիշտ սննդի եւ ֆիզիկական ծանրաբեռնվածության հետ: 

Գիտնականները նշում են, որ շատ մարդիկ այսօր գիշերները չեն քնում լարված աշխատանքի եւ սոցիալական բուռն կյանքի պատճառով եւ ձգտում են ցերեկը քնել` հուսալով հետ բերել բաց թողածը: Բայց պարզվում է, որ իրականում ամեն ինչ այդքան պարզ չէ եւ ցերեկային քունը կարող է ոչ միայն օգնել վերականգնել ուժերը, այլեւ վնաս հասցնել: 

Մեկնաբանելով այդ հետազոտության արդյունքները` Գլազգոյի համալսարանի գիտնականները նշել են, որ արյան մեջ շաքարի բարձր մակարդակը հաճախ քնատություն է առաջացնում: Նշանակում` ցերեկը քնելու սովորությունը տեսականորեն կարող է դիաբետի վաղ ախտանիշներից մեկը լինել, ոչ թե դրա պատճառը: 

Ճապոնացի գիտնականներն իրենց հետազոտության մասին պատմել են European Association for the Study of Diabetes-ի (EASD) ամենամյա հանդիպման ընթացքում:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է