• Latest news

Հայտնաբերվել է հաստլիկների գենը

18 սեպտեմբերի, 2016  14:49

Բեյլորի Բժշկական քոլեջի եւ Վիրջինիայի Պոլիտեխնիկական համալսարանի գիտնականները մկների ուղեղի բջիջներում գեն են հայտնաբերել, որը նպաստում է ճարպակալմանը:  Այդ գենի անջատումը կօգնի ազատվել ավելորդ քաշից:  Հետազոտողների հոդվածը հրապարակվել   Cell Reports ամսագրում:

Ճարպերի բարձր պարունակությամբ սննդակարգը փոխում է ուղեղի ակտիվությունը, ինչի արդյունքում մեծանում է օրգանիզմի ճարպակալման հակումը:  Սակայն հայտնի չէր, թե դա ինչպես է տեղի ունենում: 

Գիտնականներն ուսումնասիրել են  Rap1 գենի ակտիվությունը մկների օրգանիզմի մի քանի մասում, այդ թվում` գլխուղեղում:   Rap1-ը մասնակցում է հիշողության ձեւավորմանը եւ ուսումնառության գործընթացին, սակայն հետազոտողներին հետաքրքրել է նրա դերը էներգետիկական հաշվեկշռի ապահովման գործում: Կենդանիների մի խմբի մոտ դրանք արգելափակել են գենի ակտիվությունը հիպոտալամուսում գտնվող նեյրոնների խմբում` ուղեղի այն հատվածի, որը վերահսկում է օրգանիզմի հորմոնային եւ նյարդային համակարգերի միջեւ փոխազդեցությունը: Դրանից հետո կրծողներին կերակրել են ճարպերի բարձր պարունակությամբ սննդով:  

Մկները, որոնց մոտ ճնշված էր Rap1-ը, ավելի քիչ քաշ են հավաքել, քան վերահսկիչ խմբի կենդանիները: Գիտնականները պարզել են, որ գենետիկական մոդիֆիկացիայի ենթարկված կրծողները քիչ են կերել, իսկ նրանց օրգանիզմն արդյունավետորեն այրել է կուտակված ճարպը:   Հիպոտալամուսը մեծ քանակությամբ ՌՕՄՍ հորմոնն է արտադրել, որը նվազեցնում է քաղցը, ավելի քիչ`  NPY եւ AGRP հորմոնները, որոնք խթանում են ախորժակը: 

Ոչ ակտիվ գենով կենդանիները նաեւ կայունություն չեն զարգացրել լեպտինի հանդեպ (հագեցածության հորմոնի): Այդ միացությունը ազդանշան է ծառայում, որը ճնշում է ուտելու ցանկությունը:  Ճարպակալմամբ տառապող մարդիկ անընկալունակ են լեպտինի նկատմամբ, այդ պատճառով նրանց արյան մեջ այն առկա է մեծ խտությամբ:   Մոդիֆիկացիայի ենթարկված մկների մոտ լեպտինի պարունակությունը ցածր է եղել: Գիտնականները նմանատիպ պատկեր են դիտարկել . ESI-05 ինհիբիտորի միջոցով Rap1-ի գործառույթները ճնշելիս:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է