• Latest news

6 սխալ, որ բոլորը թույլ են տալիս մարզասրահում

9 հոկտեմբերի, 2016  19:32

Նիհարելու եւ քաշը պահպանելու համար հարկավոր է ոչ միայն ճիշտ սնվել, այլեւ ճիշտ մարզվել: Առողջության, սննդի եւ մարզումների մասին ավելի քան 80 գրքի հեղինակ Ջեյմս Պետերսոնի խոսքով՝ հաջող նիհարելու համար պարզապես մարզասրահ այցելելը բավարար չէ, հարկավոր է նաեւ ճիշտ մարզվել:

Մի քանի տարածված սխալ, որոնք մարդկանց մեծ մասը թույլ է տալիս մարզասրահում:

Սխալ N1. Շատ շփում, քիչ մարզում

Սպորտային բժշկության ազգային ակադեմիայից Սքոթ Լյուքեթի խոսքով՝ շատերը մարզասրահ գնալով՝ սկսում են շփվել ընկերների հետ: Արդյունքում չեն էլ նկատում, որ ժամանակի մեծ մասն անցկացնում են զրուցելով, իսկ մարզումներին ընդամենը 10-15 րոպե են տրամադրում:

Սխալ N2. Մարզումներին սխալ մոտեցում

Ոմանք մարզվելիս գիրք են կարդում, հենվում են մարզասարքերին. այս ամենը նվազեցնում է մարզումների ինտենսիվությունը: Մարդիկ կարծում են, որ եթե շարժվում են, չեն կանգնում տեղում, անպայման կնիհարեն, բայց, փորձագետի խոսքով, եթե մարզումներն ինտենսիվ չեն, դրանցից օգուտը մեծ չի կարող լինել:

Սխալ N3. Մարզումներ ճարպերն այրելու ռեժիմով

Բազմաթիվ մարզասարքերի վրա, հավանաբար, տարբեր ռեժիմներ եք նկատել՝ նախատեսված տարբեր նպատակների համար: Ճարպերի այրման ռեժիմը սովորաբար ենթադրում է առավելագույն զարկերակի 65-70%-ի ծանրաբեռնվածություն: Սակայն, մասնագետների պնդմամբ, դա բավարար չէ հաջող նիհարելու համար: Դրա համար հարկավոր է առավելագույնս ինտենսիվ մարզվել, որպեսզի օրգանիզմն ավելի շատ կալորիա ծախսի՝ ինչպես մարզումների ընթացքում, այնպես էլ դրանից հետո:

Սխալ N4. Ծախսած կալորիաների գերագնահատում

Բազմաթիվ մարզասարքերի վրա ծախսած կալորիաների մասին տեղեկություն կարող եք տեսնել: Պետք չէ հավատալ այդ տեղեկությանը: Փորձագետի պնդմամբ՝ մարզասարքը կարող է ասել, որ 500 կալորիա եք ծախել, բայց իրականում կարող եք 250 կամ ավելի պակաս ծախսել, հատկապես եթե սխալ եք մարզվել եւ, օրինակ, վազքուղու վրա մարզվելիս բռնակներին եք հենվել:

Սխալ N5. Միեւնույն վարժությունը կրկնելը

Եթե ամեն օր միեւնույն վարժությունն անեք, Ձեր օրգանիզմը պարզապես փոխվելու պատճառ չի ունենա: Որպեսզի մարմինը փոխվի եւ զարգանա, նրան նոր, ոչ սովորական ծանրաբեռնվածություն է անհրաժեշտ: Այդ պատճառով հարկավոր է ժամանակ առ ժամանակ փոխել մարզումների ծրագիրը եւ հնարավորինս շատ վարժություններ անել, որոնք բարդ եւ ոչ այնքան հաճելի են թվում:

Սխալ N6: Որոշակի հատվածում ճարպային կուտակումների դեմ վարժությունների հանդեպ սեր

Դուք, հավանաբար, լսել եք վարժությունների մասին, որոնք, իբր, այրում են որովայնի կամ կողքերի հատվածում կուտակված ճարպը: Ճշմարտությունն այն է, որ ոչ մի վարժություն չի կարող այրել ճարպը, որտեղ էլ այն լինի: Ճարպն այրվում է նյութափոխանակության ընթացքում, եւ օրգանիզմն ինքն է որոշում, որտեղից այն այրել: Դա կարող է կախված լինել մարդու ժառանգականությունից, բայց ոչ երբեք վարժությունների տեսակից: Այդ պատճառով պետք չէ ժամանակ ծախսել, օրինակ, մկանների ձգման վարժության համար: Ավելի արդյունավետ է շատ կալորիա այրող եւ մկանների աճին նպաստող վարժություններ անել, քանի որ մկանները բավականաչափ կարոլիա են ծախսում՝ իրենց գոյությունը պահպանելու համար: Իսկ երբ Ձեր քաշը նորմայի սահմաններում լինի, կարելի է մտածել նաեւ մարմնի կառուցվածքի մասին:

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել