• Latest news

Ինչո՞ւ չի կարելի երեխաներին ստիպել մինչեւ վերջ ուտել ճաշը

17 հոկտեմբերի, 2016  18:50

Բազմաթիվ ծնողներ, ինչպես մանկապարտեզների դաստիարակչուհիներ երեխաներին ստիպում են ամբողջությամբ դատարկել ափսեի պարունակությունը, եթե անգամ փոքրիկները պնդում են, որ քաղցած չեն: «Մինչեւ ամբողջը չուտես, սեղանից չես հեռանա» արտահայտությունը տարբեր տարբերակներով կյանքում գոնե մեկ անգամ լսել են բոլոր երեխաները: Նեբրասկայի համալսարանի գիտնականները, սակայն, հայտարարում են, որ երեխային ստիպելը վնասակար է:

ԱՄՆ-ում անցկացված հետազոտության առաջատար հեղինակ Դիփնի Դեւի խոսքով՝ մանկապարտեզների բազմաթիվ դաստիարակներ հետեւում են, որ երեխաներն ամբողջությամբ ուտեն ճաշը: Որոշ դեպքերում էլ ուտելիքն օգտագործվում է որպես պարգեւատրում, օրինակ՝ ինքնուրույն զուգարան գնալու համար երեխային կարող են կոնֆետ հրամցնել:

Գիտնականների պնդմամբ՝ դա սխալ է եւ վնասակար, քանի որ այդ կերպ դաստիարակված երեխաները, հնարավոր է, չկարողանան ինքնուրույն կառավարել քաղցի զգացողությունը: Արդյունքում նրանց մոտ կարող է արագ սննդի հանդեպ հակվածություն առաջանալ, որոնք հագեցվածության կարճաժամկետ զգացողություն են ապահովում: Ավելին, մեծ է հավանականությունը, որ նման երեխաների մոտ ավելորդ քաշ կամ ճարպակալում կառաջանա:

Մասնագետները հարցում են անցկացրել 2-5 տարեկան երեխաների խմբերի 18 դաստիարակչուհու շրջանում: Նրանք միջինը 42 տարեկան կանայք են եղել՝ նախադպրոցական տարիքի երեխաների հետ շուրջ 12 տարվա աշխատանքային փորձով: Ոմանք պատմել են, որ իսկապես նման հնարքների են դիմել, հատկապես՝ քմահաճ եւ համառ երեխաների հետ: Մյուսներն էլ հայտարարել են, որ «մաքուր ափսեների» կողմնակից են: Մի քանի դաստիարակներ, սակայն, նշել են, որ երեխաներին չեն ստիպում մինչեւ վերջ ուտել, քանի որ լսել են նման գործողությունների եւ հետագայում ճարպակալման առաջացման վտանգի միջեւ կապի վերաբերյալ հետազոտությունների մասին:

Հեղինակները նշում են, որ ոչ ընդգրկուն ուսումնասիրության պատճառով իրենց աշխատանքը չի ապացուցում, որ նախադպրոցական կրթական հաստատություններում կերակրելու քաղաքականությունը միանշանակ ավելորդ քաշի կամ սխալ սննդային սովորույթների առաջացման պատճառ է դառնում, սակայն դրա հավանականությունն անտեսելն ու երեխաներին ստիպելով կերակրել, ամեն դեպքում, պետք չէ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է