• Latest news

Մրսածությունը բուժելու «ժողովրդական» 5 անարդյունավետ միջոց

26 հոկտեմբերի, 2016  10:43

Ցուրտ եղանակը մեզ առավել խոցելի է դարձնում, այդ պատճառով աշնանն ու ձմռանը մենք ավելի հաճախ ենք հիվանդանում, քան տարվա մյուս եղանակներին: Ոչ բոլորն են հիվանդանալիս հետեւում բժշկի խորհուրդներին. ոմանք փորձում են բուժվել ժողովրդական մեթոդներով: Բայց խնդիրն այն է, որ այդ միջոցներից որոշները ոչ միայն արդյունավետ չեն, այլ կարող են վտանգավոր լինել:

1. Սպիրտով շփում՝ ջերմությունն իջեցնելու համար

Մարմինը սպիտով շփելը կօգնի միայն այն դեպքում, երբ ջերմությունը նոր է սկսել բարձրանալ: Բայց եթե ջերմությունն արդեն հասել է վտանգավոր նիշի, ոչ մի սպիրտ էլ չի օգնի, հարկավոր է ջերմությունն իջեցնող հաբեր ընդունել: Պետք է հիշել, որ բարձր ջերմության դեպքում (39-40 աստիճան եւ ավելին) սպիրտի վրա հույսը դնելն այնքան էլ անվտանգ չէ. ջերմությունը դրանից չի իջնում, իսկ հիվանդի մոտ կարող են ցնցումներ կամ այլ բարդություններ առաջանալ:

Իսկ երեխաներին սպիրտով շփելն ընդհանրապես հակացուցված է, քանի որ այն մաշկի միջով անցնում է արյան մեջ եւ կարող է ալկոհոլային թունավորում առաջացնել:

2. Սերուցքային կարագով կաթ

Հաճախ կարելի է կարագով կաթ խմելու մասին խորհուրդ լսել, եթե կոկորդը ցավում է: Պարզվում է՝ ամեն ինչ կախված է կոկորդի ցավի պատճառից: Բժիշկների խոսքով՝ տաք կաթը կարող է հիվանդի ինքնազգացողությունը լավացնել ֆարինգիտի պարագայում, երբ կոկորդը մշտապես խոնավեցման կարիք ունի: Բայց այդ դեպքում, ըստ էության, կարելի է ցանկացած ըմպելիք խմել, օրինակ՝ թեյ: Իսկ կաթին կարագ ավելացնելը, բժիշկների հավաստմամբ, միանգամայն անիմաստ է:

3. Թունդ ալկոհոլ

Մեկ այլ հայտնի ժողովրդական միջոց է վիրուսները թունդ ալկոհոլով «քշելը»: Իրականում ալկոհոլը որեւէ բուժիչ արդյունք չի տալիս, հակառակը, ալկոհոլային խմիչքի օգտագործումից հետո առանց այն էլ թուլացած օրգանիզմը ջրազրկվում է, ինչը հանգեցնում է վիրուսներին դիմակայելու ունակության նվազմանը:

4. С վիտամին

Շատերը սիրում են մրսածության ժամանակ հաբերի տեսքով C վիտամին ընդունել կամ ցիտրուսներ ուտել, սակայն որեւէ գիտական ապացույց չկա, որ այդ վիտամինը որեւէ կերպ ազդում է մրսածության ընթացքի վրա: Բացի այդ՝ ոմանք կարող են ալերգիա ունենալ ցիտրուսից կամ այդ վիտամինով հաբերից, այդ պատճառով դրանց օգտագործումը ոչ միայն օգուտ չի տա, այլեւ կարող է լրացուցիչ խնդիրներ ստեղծել:

5. Լողանալուց հրաժարվելը

Ոմանք կարծում են, որ մրսածության ժամանակ չի կարելի լողանալ: Բայց եթե բնակարանում ուժեղ միջանցիկ քամի չկա եւ լողանալու հետեւանքով ինքնազգացողությունը չի վատանում, հարկավոր է լոգանք ընդունել, քանի որ մրսածության ժամանակ օրգանիզմից ավելորդ հեղուկ եւ տոքսիններ են դուրս գալիս ինչպես մեզի հետ, այնպես էլ մաշկի ծակոտիների միջոցով:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել