Ճարպերով գերհագեցած սնունդը չի նպաստում մարդու տեսողական առողջությանը, հակառակը, տարատեսակ խնդիրների պատճառ է դառնում: Այս մասին հայտարարել են կանադացի գիտնականները:
Յուղոտ սննդի կանոնավոր օգտագործումը վնասակար է տեսողության համար, ազդում է աղիների բակտերիաների վրա, որոնք այնուհետեւ մակուլյար դեգեներացիայի պատճառ է դառնում. երեւույթ, որը կարող է տարեցների մոտ տեսողության գրեթե լիարժեք կորստի հանգեցնել:
Հիվանդության վաղ փուլում այս երեւույթի հիմքում ընկած է տեսողական օրգանների դիստրոֆիան: Մասնագետները նշում են, որ հիվանդության ընթացքում նյարդային բջիջները, որոնք վերահսկում են տեսողությունը եւ նոր արյուրատար անոթների կազմավորումը, քայքայվում են:
10% դեպքերում հիվանդների մոտ խոնավ մակուլյար դիստրոֆիա է առաջանում. հիվանդության առավել վտանգավոր տեսակ, որը հանգեցնում է կուրության: Հիվանդության զարգացումը թույլ չտալու համար հարկավոր է դիետայի հետեւել՝ սննդակարգից բացառելով վնասակար յուղոտ սնունդը:
Բացի այդ, յուղոտ մթերքները սրտային հիվանդություններ, ճարպակալում եւ առողջության հետ կապված բազմաթիվ խնդիրներ են առաջացնում:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր