• Latest news

Դիետան ճարպակալման ծանր ձեւերի պատճառներից է

25 նոյեմբերի, 2016  22:46

Հաջող դիետայից հետո ավելորդ քաշի վերականգնման մեղավորներն աղիների բակտերիաներն են (միկրոբիոմ): Այս մասին հայտնել են իսրայելական Վեյցմանի ինստիտուտի գիտնականները: Էրան Էլինավայի ղեկավարությամբ անցկացված հետազոտության արդյունքները հրապարակվել են Nature ամսագրում:

Մասնագետները գիտափորձի ընթացքում մկներին մեծ քանակությամբ ճարպեր պարունակող սնունդ են տվել, ինչի արդյունքում կրծողների մարմնի զանգվածն ավելացել է, այնուհետեւ սովորական դիետայի սննդակարգով կերակրել, որը նպաստել է քաշի նվազմանը: Դրանից հետո ցիկլը կրկնվել է:

Հետազոտության ընթացքում գիտնականները հետեւել են միկրոբի՝ աղիներում բնակվող միկրոօրգանիզմների գենոմի ամբողջության փոփոխություններին:

Պարզվել է, որ քաշ կորցնելուց հետո կենդանիներն ավելի հակված են եղել արագորեն վերականգնել մարմնի զանգվածը: Ընդ որում, ճարպակալման յուրաքանչյուր ցիկլն ավելի ու ավելի բարդ է եղել:

Գիտականները պարզել են, որ առաջին իսկ ճարպակալումից հետո միկրոբիոմն անդառնալի փոփոխությունների է ենթարկվել եւ հետագայում կայուն մնացել, այսինքն՝ դիետան, ըստ էության, բակտերիաների կազմը չի փոխվել:

Հոդվածում նշվում է, որ հետազոտության արդյունքները կօգնեն պարզել մարդկանց նորմալ քաշի վերականգնման մեխանիզմները: Բայց դրա համար նոր հետազոտություններ են անհրաժեշտ, քանի որ միկրոբիոմը շտկելուն եւ կրկնվող ճարպակալման բուժմանը նպաստող դեղամիջոցներ դեռեւս չկան:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել