ԱՄՆ-ի Վաշինգտոնի համալսարանի մասնագետները կույրերին սովորեցրել են կողմնորոշվել վիրտուալ լաբիրինթոսում: Հետազոտությունը հրապարակվել է Frontiers in Robotics and AI ամսագրում:
Գիտնականներն օգտվել են գլխուղեղի էլեկտրոնային խթանման մեթոդներից մեկից՝ տրանսկրանիլային միկրոբեւեռացումից: Գիտնականներին հաջողվել է դրա շնորհիվ կույրերի մոտ օպտիկական պատրանք ստեղծել, որը թույլ է տվել 92 տոկոս դեպքերում հաջողությամբ շարժվել երկչափ լաբիրինթոսով:
Եթե խաղում վիրտուալ հերոսի առաջ պատ էր հատնվում, ապա տրանսկրանիլային միկրոբեւեռացման օգնությամբ ֆոսֆենի ստեղծում էր նախաձեռնվում, որը լույսի գործողության հետ չկապված լուսարձակող պատկերների ձեւով տեսողական զգացողություն է:
Վերստուգիչ խմբին, որին պլացեբո է առաջարկվել, հաջողվել է սխալներ թույլ չտալ միայն լաբիրինթոսով շարժման 15 տոկոս դեպքերում: Մասնագետները հույս ունեն հատուկ հաղորդիչներ ստեղծել եւ այդկերպ կույրերին սովորեցնել կողմնորոշվել տարածության մեջ:
Տրանսկրանիլային միկրոբեւեռացումը գլխուղեղի վրա 1,5-ից մինչեւ 2 միլիամպեր հզորության մշտական հոսանքով ոչ ինվազիվ ընտրովի ներգործություն է: Միջամտությունը հանգեցնում է ֆիզիկական կամ մտավոր տարատեսակ ակտիվության հետ կապված նյարդերի խմբերը գրգռման:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր