• Latest news

Ամերիկացի գիտնականները հայտնաբերել են ալկոհոլամոլության «գլխավոր» գենը

29 նոյեմբերի, 2016  23:48

Ամերիկացի գիտնականները հայտնաբերել են KLB գենը, որը համարվում է ալկոհոլային «ախորժակի» գլխավոր կարգավորողը: ԴՆԹ-ի այդ հատվածը որոշում է, թե մարդը ինչ քանակի ալկոհոլ կարող է խմել եւ որքան հաճախակի է նա նման ցանկություն ունենում: Հայտնագործությունը կատարվել է մկների վրա կատարված փորձերի շնորհիվ:

Հիշեցնենք, որ անցյալ տարի գիտնականները լյարդում FGF21 հորմոն են հայտնաբերել, որը կառավարում է քաղցրի հանդեպ մեր հակումը: Դրա բացակայությունը կրծողներին ստիպում էր որքան հնարավոր է շատ շաքար ուտել, իսկ հորմոնի գերավելցուկը լիովին վերացնում էր այդ ցանկությունը:

Դալասի Թեխասի համալսարանից բժիշկ Սթիվեն Քլիվերը եւ նրա գործընկերները ենթադրել են, որ նույն կերպ այդ նյութը կարող է ազդել նաեւ ալկոհոլի հանդեպ հակվածության վրա: Նրանք ցանկանում էին պարզել, թե այն ուղեղում հատկապես որ ռեցեպտորներն է ակտիվացնում՝ մարդուն ստիպելով ավելի շատ քաղցր եւ սպիրտային խմիչք օգտագործել:

Դա պարզելու համար գիտնականները ավելի քան 100 հազար մարդկանց շրջանում համադրել են գեներում (FGF 21-ի հետ կապված) մանր փոխակերպումները, եւ այն, թե այդ մարդիկ որքան շատ են խմել: Արդյունքում պարզվել է, որ  KLB գենում միանգամից մի քանի «կետային» փոխակերպումները կապված են ալկոհոլային սովորությունների նկատելի «տեղաշարժերի» հետ:

Հետազոտողներն այս գաղափարը ստուգել են մի քանի մկների ԴՆԹ-ում KLB-ն «անջատելով» եւ նրանց վարքագծին հետեւելով: Փորձնական կրծողները նկատելիորեն ավելի հաճախ եւ հաճույքով են ալկոհոլ խմել եւ նախընտրել են ավելի թունդ ըմպելիքները, քան ստուգիչ խմբի նրանց ցեղակիցները: Ուշագրավն այն է, որ անջատված գենով մկները իրենց բացարաձակապես նույն կերպ են պահել, ինչպես իրենց «նորմալ» ցեղակիցները, սպիրտայինի հանդեպ ձգտումից բացի:

Գիտնականների խոսքով՝ KLB գենի ակտիվության խթանումը կարող է օգտագործվել որպես ալկոհոլամոլության բուժման միջոց: Ճիշտ է, դրա համար դեռ պետք է մեծաթիվ լրացուցիչ հետազոտություններ կատարել, քանի որ մասնագետները կախվածության հիվանդությունների հետ ԴՆԹ-ի բավական շատ հատվածներ են կապում:

Հոդվածը հրապարակվել է PNAS ամսագրում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է