• Latest news

Օրական երկու կիվի ուտելով՝ կազատվեք հոգնածությունից եւ դեպրեսիայից

20 դեկտեմբերի, 2016  19:49

Սննդակարգում կանոնավորապես կիվի ներառող մարդիկ ավելի քիչ են հոգնածություն զգում եւ դեպրեսիա ունենում: Նման եզրահանգման են եկել նորզելանդական Օտագոյի համալսարանի մասնագետները: Նրանց հետազոտության արդյունքները հրապարակվել են Journal of Nutritional Science-ում:

Գիտնականների փորձին 54 երիտասարդ է մասնակցել, որոնց երկու խմբի են բաժանել. վեց շաբաթ շարունակում մի խմբին օրական կես կիվի են տվել, երկրորդ խմբին՝ երկու կիվի:

Երկրորդ խմբի կամավորների օրգանիզմում C վիտամինի մակարդակն արագորեն բարձրացել է: Ըստ մասնագետների՝ արդյունքում նրանք, ի տարբերություն մյուսների, ավելի աշխույժ են եղել, քիչ են դեպրեսիա ունեցել:

Բացի այդ՝ կիվին կենսաբանորեն ակտիվ միացություններ է պարունակում, որոնք նպաստում են նյութափոխանակության կարգավորմանը, օգնում հիպերտոնիայի դեպքում, լավացնում են մարսողությունն ու ամրապնդում իմունային համակարգը: Դիետոլոգների հավաստմամբ՝ այս բոլոր նյութերը մարդուն պաշտպանում են սթրեսի հետեւանքներից: 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել