Հավանեք մեր էջը ֆեյսբուքում

 

Գիտնականներն ատամներն առանց լիցքի բուժելու միջոց են հայտնաբերել

11 հունվարի, 16:43

Ատամներին կարելի է ստիպել վնասվածքներն ինքնուրույն վերականգնել, այսպիսով հրաժարվել լիցքի օգտագործումից, պնդում են բրիտանացի գիտնականները:

Լոնդոնի Թագավորական քոլեջի գիտնականները պարզել են, որ Tideglusib քիմիական նյութը կարող է բջիջներին ստիպել ատամի պուլպայում բուժել մկների ատամների ոչ մեծ անցքերը:

Science Reports-ում հրապարակված հետազոտության մեջ նշված է, որ այս մեթոդը հանգեցնում է «ամբողջական եւ արդյունավետ բնական վերականգնման»:

Ատամները վերականգնվելու սահմանափակ հնարավորություններ ունեն: Եթե ատամի ներքին պուլպան մերկանում է, մարդու օրգանիզմն ընդունակ է արտադրելու ատամի կարծր դենտին հյուսվածքի (գտնվում է անմիջապես էմալի տակ) բարակ շերտ, սակայն մեծ վնասվածքներն այս կերպ չեն բուժվում:

Ատամնաբույժները կարիեսը սովորաբար մետաղական ամալգամի կամ փոշեկերպ ապակու եւ կերամիկայի կոմպոզիտի լիցքի միջոցով են բուժում: Սակայն լիցքը հարկավոր է պարբերաբար փոխել, եւ հետազոտողները հույս ունեն ուժեղացնել ատամների բնական վերականգնման ունակությունը, որպեսզի կարողանան մեծ վնասվածքներն ինքնուրույն բուժել:

Գիտնականների խոսքով՝ Tideglusib պատրաստուկը մեծացնում է ատամի պուլպայում ցողունային բջիջների ակտիվությունը, ինչը թույլ է տալիս մկների ատամներում վերականգնել 0.13 մմ տրամագծով անցքերը:

Պատրաստուկով ներծծված կենսալուծվող սպունգը դրվել է ատամի վնասված հատվածի վրա, վերեւից պաշտպանիչ ծածկույթ է դրվել: Կախված սպունգի քայքայման աստիճանից՝ նրան փոխարինել է դենտինը, եւ ատամն առողջացել է:

Ներկայումս գիտնականները հետազոտում են, արդյո՞ք հնարավոր է այս միջոցով վերականգնել ատամների ավելի խոշոր վնասվածքները:

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Պատրա՞ստ եք Դուք պոլիկլինիկաներում վճարել բժշկական ծառայությունների համար
Այո, քանի որ ես, միեւնույնն է, վճարում եմ, թող լինի պաշտոնապես
Ոչ, ես պոլիկլինիկա եմ գնում, քանի որ գումար չունեմ
Ոչ, ավելի լավ է վճարել հիվանդանոցին