• Latest news

Ի՞նչ մասնագիտություն ունեցող մարդիկ են ավելի հաճախ մաշկի քաղցկեղով հիվանդանում

19 հունվարի, 2017  10:44

Մելանոմայով՝ մաշկի քաղցկեղի ամենամահացու տեսակներից մեկով, հաճախ հիվանդանում են շինարարները, որոնք շատ ժամանակ են անցկացնում արեւի տակ: British Journal of Cancer ամսագրում հրապարակված հետազոտության արդյունքների համաձայն՝ Մեծ Բրիտանիայում յուրաքանչյուր երկու շաբաթը մեկ մաշկի քաղցկեղից մեկ շինարար է մահանում: Տարվա ընթացքում մելանոմայից մահվան 241 դեպք է արձանագրվում, 48 մարդ էլ մահանում է՝ նույնպես աշխատանքի բերումով արեւի տակ շատ անցկացնելու հետեւանքով:

Լոնդոնի թագավորական քոլեջի գիտնականները նշել են, որ չարորակ մելանոմայի հետեւանքով մահացածների շուրջ կեսը շինարարներ են: Պատճառն այն է, որ շինարարները հաճախ աշխատում են արեւի ճառագայթների ուղղակի ազդեցության պայմաններում, որոնք հանգեցնում են մաշկի քաղցկեղի մահացու տեսակի առաջացման: Այս ցուցակի երկրորդ հորիզոնականում ֆերմերներն են: Չարորակ մելանոմայի հետեւանքով հաճախ մահանում են նաեւ ոստիկաններ եւ զինվորականներ:

Ընդհանուր առմամբ, հետազոտության հեղինակները Մեծ Բրիտանիայի բնակիչների շրջանում մաշկի քաղցկեղով հիվանդացության զգալի աճ են արձանագրել: Հիմա ռիսկի խմբում հայտնվելու համար ամենեւին պարտադիր չէ ապրել ավանդաբար արեւային կլիմա ունեցող միջերկրածովյան տարածաշրջանում, բավական է միայն շատ ժամանակ անցկացնել արեւի տակ: Այդ պատճառով նման մարդիկ պետք է լուրջ ուշադրություն դարձնեն արեւի ճառագայթների ազդեցությունից պաշտպանությանը:

Նշենք, որ արեւի ճառագայթները չափազանց կարեւոր են օրգանիզմում D վիտամինի սինթեզի համար, որն անհրաժեշտ է մեր ոսկորներին: Բայց այն նաեւ մաշկի քաղցկեղ է առաջացնում: Կարեւոր է արեւապաշտպան կրեմներ օգտագործել հատկապես առավոտյան 11-ից մինչեւ ցերեկվա ժամը 3-ն ընկած ժամանակահատվածում, երբ արեւի ճառագայթներն առավել վտանգավոր են մեր օրգանիզմի համար:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է