Ամերիկյան Կոլորադոյի համալսարանից բժիշկները 26-ամյա հիվանդի ուղեղի անբուժելի ուռուցքը բուժել են մալարիայի դեմ դեղամիջոցով: Ուռուցքը որեւէ կերպ չի արձագանքել ավանդական միջոցներին եւ, բժիշկների գնահատմամբ, աղջկան շուրջ մեկ տարի ժամանակ է մնացել ապրելու:
Բուժումն արդյունավետ է եղել այն բանի շնորհիվ, որ մալարիայի դեմ քլորոխին դեղամիջոցն արգելակում է աուտոֆագիան. բջիջների ինքնավերականգնումը՝ դրանց բաղադրիչների վերարտադրման շնորհիվ: Հենց այս պատճառով էլ որոշ ուռուցքներ անբուժելի են. այս պրոցեսի արագացումը նպաստում է դրանց արագ վերարտադրությանը:
Քլորոխինի օգտագործման հետեւանքով ուռուցքը նորից խոցելի է դարձել քիմիաթերապիայի հանդեպ: 26-ամյա կնոջից բացի՝ բուժում են ստացել եւս երկու հիվանդներ: Բոլորի վիճակն էլ բարելավվել է, իսկ աղջկա ուղեղի ուռուցքը փոքրացել է:
Առաջարկվող տեխնոլոգիան հետագա ուսումնասիրության կարիք ունի: Հաջողության դեպքում այն կարող է երկարացնել բազմաթիվ հիվանդների կյանքը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր