• Latest news

«Սարսափելի բակտերիան» էլ ավելի սարսափելի է, քան կարծում էին. գիտնականներ

19 հունվարի, 2017  20:29

Հակաբիոտիկների նկատմամբ կայուն էնտերոբակտերիան էլ ավելի վտանգավոր է, դինամիկ եւ վարակիչ, քան ընդունված էր կարծել: Այսպիսի եզրակացության են հանգել ԱՄՆ-ի Հարվարդի համալսարանի հետազոտողները:

Հիվանդությունների վերահսկողության եւ կանխարգելման ամերիկյան կենտրոնի տնօրեն Թոմաս Ֆրիդենը դրանք «սարսափելի բակտերիաներ» է անվանել: Խոսքը CRE (կարբոպենեմամի նկատմամբ կայուն էնտերոբակտերիա) բակտերիայի մասին է, որը դեռեւս անցյալ տարի, առանց  բացառության, բոլոր հակաբիոտիկների նկատմամբ իմունիտետ է ցուցադրել, այդ թվում՝ վերջին արտադրության հակաբիոտիկների: Սակայն Հարվարդի համալսարանի գիտնականները նոր հետազոտության ընթացքում պարզել են, որ CRE-ի վտանգավորությունը թերագնահատված է՝ իրականում այս բակտերիան ավելի սարսափելի է, քան թվում է:

Երկրի տարբեր ծայրերից վերցրած բակտերիայի նմուշները վերլուծելով՝ հետազոտողները CRE-ի տարբեր տարատեսակների զգալիորեն ավելի մեծ տարածվածություն են հայտնաբերել, քան ընդունված էր կարծել: Յուրաքանչյուր շտամ ուներ անցյալում հակաբիոտիկների դեմ պայքարելու սեփական պատմություն, ինչը նրանց օգնել է հակաբիոտիկառեզիստենտություն մշակել: Ավելին՝ CRE բակտերիաները, ըստ ամենայնի, ունեն հակաբիոտիկառեզիստենտ գեներին վարժեցնելու, կիսելու եւ տարածելու հատկություն, որոնց մի մասը նախկինում երբեք գիտությանը հայտնի չի եղել: Գիտնականները ենթադրում են, որ CRE-ն կարող է մարդուց մարդուն փոխանցվել առանց արտաքին որեւէ ախտանշանի, ինչով ավելի է դժվարացնում ինֆեկցիայի ախտորոշումն ու բուժումը:

Հիվանդությունների վերահսկողության եւ կանխարգելման ամերիկյան կենտրոնի տվյալներով՝ ԱՄՆ-ում ամեն տարի մոտ 9300 հիվանդ հիվանդանոցներում CRE բակտերիայով է վարակվում, իսկ նրանցից 600-ը դրա հետեւանքով մահանում է: Ըստ որում՝ բակտերիան շարունակում է տարածվել եւ տարեցտարի ավելի մեծ թվով մարդկանց ախտահարել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է