Հավանեք մեր էջը ֆեյսբուքում

 

Ինչու՞ են կանայք սիրում բամբասել

22 հունվարի, 15:06

Կանանց դուր է գալիս բամբասել եւ գաղտնիքներ փոխանակել, քանի որ դա բարձրացնում է նրանց արյան մեջ երջանկության հորմոնի՝ օքսիտոցինի մակարդակը, գրում է Psychoneuroendocrinology-ն:

Իտալիայի Պավիայի համալսարանի հոգեբան Նատաշա Բրոնդինոն պատմում է, որ գործընկերների հետ բամբասելիս իրենք իրենց ավելի միակուռ էին զգում, եւ ինքը որոշել է ստուգել, թե ինչն է իրենց միավորում բամբասանքի պահին, գոյություն ունեն արդյոք բիոքիմիական պատճառներ:

Իր հիպոթեզը ստուգելու համար Բրոնդինոն եւ գործընկերները հավաքել են համալսարանի ուսանողուհիների, որոնք այսպես կոչված «քույրության» անդամ են եղել:

Նրանց բաժանել են մի քանի խմբի եւ յուրաքանչյուրում ընդգրկել անծանոթ աղջկա եւ  մի դերասանուհու:

Նրանց որոշ ժամանակ պահել են միասին, որից հետո գիտնականները թքի նմուշներ են վերցրել եւ ուսանողուհիներին հարցաթերթիկ են տվել լրացնելու:

Բրոնդինոն կասկածում էր, որ բամբասանքների նկատմամբ կանանց հակումը կարող է պայմանավորված լինել 2 հորմոնով՝ օքսիտոցինով, որն ընտանեկան երջանկության եւ սոցիալական մտերմության հորմոնն է, եւ կորտիզոլով՝ սթրեսի հորմոնով: Առաջինի մակարդակը բամբասանքի ժամանակ կարող է աճել, իսկ երկրորդինը՝ նվազել:

Թքի անալիզը ցույց է տվել, որ բամբասանքն իրոք բարձրացնում է օքսիտոցինի մակարդակը, սակայն փասատցի չի ազդում արյան մեջ կորտիզոլի մակարդակի վրա:

Բացի այդ, օքսիտոցինի մակարդակը չի փոխվել հիացմունք, ատելություն կամ նախանձ զգալու հետեւանքով, ուստի հոգեբանները եկել են այն եզրակացության, որ բամբասանքներն առաջ են գալիս հենց օքսիտոցինի մակարդակի աճի հետեւանքով:

Բրոնդինոն եւ նրա գործընկերներն ասում են, որ բամբասանքի այդ բիոքիմիական բնույթը վկայում է այն մասին, որ վարքի այդ առանձնահատկությունը կարեւոր դեր էր խաղում նախկինում մարդու էվոլյուցիայի համար եւ, հավանաբար, շարունակում է խաղալ նաեւ այսօր: Գիտնականները նշում են, որ գաղտնիքները փոխանակելը եւ դրանից ստացած հաճույքը մեր  նախնիներին օգնում էր մեծ խմբերում սահմանել կյանքի ոչ ֆորմալ կանոններ:

 

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Պատրա՞ստ եք Դուք պոլիկլինիկաներում վճարել բժշկական ծառայությունների համար
Այո, քանի որ ես, միեւնույնն է, վճարում եմ, թող լինի պաշտոնապես
Ոչ, ես պոլիկլինիկա եմ գնում, քանի որ գումար չունեմ
Ոչ, ավելի լավ է վճարել հիվանդանոցին