• Latest news

Հայաստանում տարեց ամերիկացուն վերադարձրել են նախկին գեղեցկությունը

29 հունվարի, 2017  17:00

«Էրեբունի» բժշկական կենտրոնում ԱՄՆ-ից եկած հիվանդին աբդոմինոպլաստիկա է կատարվել եւ դրական արդյունք է ստացվել: Դեպքի առանձնահատկությունն այն է, որ վիրահատությունը կատարվել է տարեց (77 տարեկան) տղամարդու: Մինչդեռ աբդոմինոպլաստիկան, որպես կանոն, երիտասարդ հիվանդներին է կատարվում: Տղամարդը նախկին երիտասարդությունը վերադարձնելու եւ առողջ կենսակերպ վարելու հնարավորություն է ստացել:

2015 թվականի հոկտեմբերին ԱՄՆ քաղաքացի, 77 տարեկան հայազգի Ա. Մ.-ն  դիմել է «Էրեբունի» ԲԿ՝ որովայնի առաջնային պատի կախ ընկնելու եւ շարժումներ կատարելիս անհարմարավետության բողոքներով: «Ինձ վերադարձրեք նախկին գեղեցկությունս եւ երիտասարդությունս»,- այսպիսի խնդրանքով է դիմել այցելուն:

Նախնական կլինիկա-լաբորատոր հետազոտություններից հետո նրան առաջարկվել է որովայնի առաջնային պատի պլաստիկա:

Պլաստիկ վիրաբույժ Էդգար Հայրապետյանի ղեկավարությամբ եւ անեսթեզիոլոգ Արմեն Վարոսյանի մասնակցությամբ 2015-ի հոկտեմբերին հիվանդը ենթարկվել է աբդոմինոպլաստիկայի վիրահատության՝ հեռացվել է մաշկա-ճարպային «գոգնոցը», կատարվել է որովայնի ուղիղ մկանների երկակիացում:

Հետվիրահատական շրջանը հարթ է անցել, հիվանդը բավարար վիճակով դուրս է գրվել 4-րդ օրը:

Հիվանդն ԱՄՆ է վերադարձել եւ 2016-ի վերջին այցելել է հերթական կանխարգելիչ զննման: Մեկ տարի անց նա հիանալի ֆիզիկական վիճակում է եղել:

Աբդոմինոպլաստիկայի վիրահատությունն ուղղված է որովայնի առաջնային պատի ուրվագծերի վերականգնմանը: Սովորաբար այս վիրահատությունը կատարվում է կախ ընկած ճարպային «գոգնոցով», քաշի տոտալ կորստով կամ հետծննդյան կախված որովայնով հիվանդներին:

Հայաստանում պլաստիկ վիրահատությունը հասել է մեծ հաջողությունների:  «Էրեբունի» ԲԿ-ում  տվյալ վիրահատական ուղղությունը առաջարկում է ծառայությունների ամբողջական ցանկ  եւ հայտնի է բնակչության լայն շրջանակներում: Պլաստիկ վիրաբույժների պրոֆեսիոնալ ձեռքերի շնորհիվ մարդուն վերադարձվում  է գեղեցկությունը եւ երիտասարդությունը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է