Հավանեք մեր էջը ֆեյսբուքում

 

Ինչպե՞ս արձագանքել ծանոթ երեխայի մոտ «քաղցկեղ» ախտորոշմանը

14 փետրվարի, 22:33

Հայերից շատերը սխալ են արձագանքում տեղեկությանը, երբ լսում են, որ ծանոթների երեխայի մոտ չարորակ ուռուցք են հայտնաբերել, կարծում է օնկոհոգեբան Ալիսա Քամալյանը:

Հոգեբանի խոսքով՝ բավական հաճախ մարդիկ այնպիսի բան են ասում, որը նման իրավիճակում չարժե ասել: Օրինակ՝ հաճախ կարելի է լսել նման ոճի ինչ-որ բան. «Վայ, խեղճ երեխա» կամ «Վայ, ուրեմն այդ երեխային քիչ է մնացել»: Նման բան ասողները նկատի ունեն, որ երեխան շուտով կմահանա: Սակայն ոչ մի դեպքում չի կարելի նման բան ասել ո՛չ իրեն երեխային, ո՛չ նրա ծնողներին, պնդեց Ալիսա Քամալյանը: Նախ՝ նման արձագանքը միայն խորացնում է երեխայի ծնողների ապրումները: Երկրորդ՝ երեխաների շրջնում օնկոլոգիական հիվանդությունները գրեթե 70 տոկոս դեպքերում հաջողությամբ բուժվում են, իսկ դա նշանակում է, որ երեխան, ում մոտ այդպիսի հիվանդություն են ախտորոշել, առողջանալաու բավական լավ հնարավորություններ ունի:

Հոգեբանի կարծիքով՝ չարժե ծնողներին նաեւ ասել. «Հավաքվիր, դու պետք է ուժեղ լինես», քանի որ եթե նրանք վշտացած են, նման խոսքից հետո նրանց վիճակն ավելի կվատթարանա, նրանց մոտ կարող է մեղքի զգացում առաջանալ այն պատճառով, որ իրենք «կամազուրկ» են:

Ի՞նչ պետք է ասել, եթե տեղեկացել եք, որ ծանոթի երեխայի մոտ քաղցկեղ են հայտնաբերել:

Առաջին հերթին պետք է հիշել, որ  դուք ամենեւին պարտավոր չեք ինչ-որ բան ասելու, պնդեց հոգեբանը: Եթե չգիտեք ինչ ասել, սկսեք հարցեր տալ: Փորձեք երեխայի ախտորոշման մասին ավելի շատ բան իմանալ, այն մասին, թե որտեղ եւ ինչ բուժում է երեխան ստանալու: Հարցրեք, թե ինչպես եւ ինչով կարող եք օգնել երեխայի ծնողներին: Ի վերջո, պատրաստ եղեք լսելու՝ հնարավոր է, որ երեխայի ծնողները արտահայտվելու մեծ ցանկություն ունեն, իսկ եթե դուք լավ ունկնդիր լինեք, ապա դա արդեն կօգնի նրանց վիճակի թեթեւացմանը:

Հոգեբանի կարծիքով՝ չի կարելի սեփական երեխաներին արգելել շփվել այն երեխայի հետ, ում մոտ չարորակ ուռուցք են հայտնաբերել, չնայած շատ ծնողներ այսօր հենց այդպես էլ վարվում են: Մասնագետը հիշեցրեց, որ ուռուցքները վարակիչ չեն՝ ձեր երեխան դրանվ չի վարակվի հիվանդ երեխայից: Դրանից բացի, հիվանդ երեխաները եւ նրանց ընտանիքները առանց այն էլ մեկուսանում են բոլորից, եւ նրանց միայն շրջապատի աջակցությունն է պետք, որ հիվանդության դեմ հեշտ պայքարեն, իսկ հետո այն հաղթահարելով նորմալ կյանքի վերադառնան:

NEWS.am Medicine

loading...
 

  • Այս թեմայով
  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Պատրա՞ստ եք Դուք պոլիկլինիկաներում վճարել բժշկական ծառայությունների համար
Այո, քանի որ ես, միեւնույնն է, վճարում եմ, թող լինի պաշտոնապես
Ոչ, ես պոլիկլինիկա եմ գնում, քանի որ գումար չունեմ
Ոչ, ավելի լավ է վճարել հիվանդանոցին