• Latest news

Լեյկոզի ախտանիշները երեխաների մոտ՝ ինչի՞ն պետք է ուշադրություն դարձնեն ծնողները

15 փետրվարի, 2017  21:03

Լեյկոզը (լեյկեմիան) արյունաստեղծ օրգանների ու արյան չարորակ հիվանդություն է, որը բնութագրվում է ոսկրուղեղի, արյան ու ներքին օրգանների մեջ պաթոլոգիական բջիջների աճով։ 100 000 երեխաներից 3-5-ը հիվանդանում է լեյկոզով մինչեւ 15 տարեկան դառնալը։

Մանկական լեյկոզի հիմնական ախտանիշների մասին լրագրողներին պատմել են ԱՆ գլխավոր արյունաբան, Արյունաբանության կենտրոնի ղեկավար Սմբատ Դաղբաշյանը ու այդ նույն կենտրոնի մանկական բաժանմունքի ղեկավար Լալա Վաղարշակյանը։

  • Երեխայի վարքագիծը կարող է շատ բան պատմել նրա առողջության մասին։ Եթե սովորաբար երեխան աշխույժ է, շարժունակ, բայց հանկարծ կտրուկ փոխվում է, դադարում է խաղալ, վազել, սկսում է անընդհատ պառկել՝ այդ վիճակը կարող է վկայել նրա առողջական խնդիրների մասին
  • Առանց որեւէ պատճառի մարմնի բարձր ջերմաստիճանն էլ լեյկոզի մեկ այլ ախտանիշ է։ Եթե երեխան գրիպով կամ այլ վարակիչ ինֆեկցիաներով հիվանդ չէ, սակայն բարձր ջերմություն ունի՝ նրան պետք է բժշկի տանել
  • Անսովոր գունատությունը, որը սովորաբար բնորոշ չէ երեխային, նույնպես պետք է գրավի ծնողների ուշադրությունը։
  • Մեկ այլ ախտանիշ, որը պետք է մտահոգի ծնողներին՝ երեխայի մարմնի վրա հաճախակի հայտնվող կապտուկներն են։ Շատ մասնագետներ այդ կապտուկները համարում են լեյկոզի հիմնական ախտանիշներից մեկը, չնայած լինում են հիվանդներ, որոնց մոտ նման կապտուկներ առհասարակ չկան։
  • Երեխայի ոսկորներում ու հոդերում նկատվող ցավերը նույնպես կարող են վկայել այն մասին, որ նրա մոտ ամեն ինչ չէ կարգին։ Եթե նման ցավերը տեւական բնույթ ունեն, արժե երեխային տանել բժշկի։
  • Մեծացած ավշային հանգույցները , հաճախակի արյունահոսությունները ,մաշկի ու լորձաթաղանթների մեջ արյան զեղումները, քնի խանգարումները, ախորժակի նվազումն ու արագ հոգնելը նույնպես կարող են լեյկոզի ախտանիշներ լինել։

Քանի որ այս ախտանիշներից շատերը կարելի է հեշտությամբ չնկատել՝ երբեմն էլ այդ ախտանիշներն այլ հիվանդության հետ շփոթել՝ ծնողները պետք է բավականաչափ ուշադիր լինեն իրենց երեխաների հանդեպ, նկատեն նրանց վարքագծում ու ինքնազգացողության մեջ բոլոր փոփոխությունները ու ժամանակին նրանց տանեն բժշկի։ Առաջնային օղակի բժիշկներն էլ իրենց հերթին պետք է ուշադիր լինեն ու տիրապետեն թարմ գիտելիքների, որպեսզի ժամանակին կասկածեն երեխայի մոտ չարորակ հիվանդություն ու նրան մասնագիտացած կենտրոն ուղարկեն։

Արյունաբան-ուռուցքաբան Անահիտ Զախարյանն էլ իր հերթին նկատեց, որ հայ ծնողների մեծ մասն իրականում բավականին ուշադիր է իր զավակների նկատմամբ, ինչի շնորհիվ վերջին տարիներին չի եղել դեպք, որ արյան չարորակ հիվանդությունները երեխաների մոտ արդեն բարձիթողի վիճակում ախտորոշվեն։

 

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է