64-ամյա իսպանուհին երկվորյակ է ունեցել

16 փետրվարի, 2017  15:31

Իսպանական Բուրգոս քաղաքում 64-ամյա կինը երկվորյակների է լույս աշխարհ բերել՝ տղա եւ աղջիկ:

Recoletas Burgos հիվանդանոցի բժիշկները հաղորդել են, որ ծննդկանին կեսարյան հատում են արել: Տղան ծնվել է 2.4 կգ քաշով, աղջիկը՝ 2.2 կգ:

Իսպանական լրատվամիջոցների հաղորդմամբ՝ հղիանալու համար կինն ԱՄՆ-ում վերարտադրողական բուժման կուրս է անցել: Ծննդկանի անունը չի նշվում, սակայն հիվանդանոցն իր կայքում վիրահատության տեսանյութ է հրապարակել:

Հինգ տարի կինը դուստր է լույս աշխարհ բերել, որի խնամակալությունը հետագայում ստանձնել են Իսպանիայի սոցծառայությունները՝ երեխայի սոցիալական բարեկեցության հարցում մտահոգությունների պատճառով: Սոցաշխատողների խոսքով՝ աղջկան մեկուսացրել էին հասակակիցներից, նա վատ էր հագնվում, նաեւ անձնական հիգիենայի հետ կապված խնդիրներ ուներ:

Առայժմ նորածիններին սոցիալական ծառայության խնամակալությանը հանձնելու հարցով որեւէ որոշում չի կայացվել: Բժիշկների տեղեկացմամբ՝ երեխաներն առողջ են եւ լավ են զգում:

Անցյալ տարվա ապրիլին Հնդկաստանում 70-ամյա Դալջինդեր Կաուրն իր առաջնեկին էր լույս աշխարհ բերել: 2016 թվականի օգոստոսին էլ ավստրալական Թասմանիայում 63-ամյա կին էր առաջին անգամ մայր դարձել, իսկ երեխայի հայրն այդ ժամանակ 78 տարեկան էր:

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: