• Latest news

Երկու անգամ վիրավորված Հովհաննեսը խոսել է սովորում

23 փետրվարի, 2017  19:54

2016 թվականի գարնանը 22-ամյա Հովհաննեսը երկու անգամ է վիրավորվել. առաջին անգամ նա վիրավորվել է ապրիլի 4-ին Թալիշ գյուղում՝ բեկորները մխրճվել էին նրա ոտքի մեջ, բայց նա շարքերը չլքեց՝ շարունակելով ծառայությունը: Մայիսի 13-ին նա երկրորդ անգամ է վիրավորվել՝ հակառակորդի գնդակը նրա գլուխն էր խոցել:

Հովհաննեսի մայրը՝ Գայանե Ասատրյանը, NEWS.am Medicine-ին պատմեց, որ մայիսի 15-ին նրան բերել են Երեւանի զինվորական հոսպիտալ, եւ նա 26 օր կոմայի մեջ է եղել: Քչերն էին հավատում, որ Հովհաննեսը ողջ կմնա, բայց այսօր նա ոչ միայն ողջ է, այլեւ ոտքի վրա է: Իհարկե, ձեռնափայտի օգնությամբ է քայլում: Նրա աջ ձեռքն ու ոտքը դեռեւս շատ թույլ են, նա դրանք դժվարությամբ է շարժում: Աջ ուսը նա շարժում է, բայց ահա ուսից ներքեւ՝ գործնականում ոչ:

Գայանե Ասատրյանն ասաց, որ Հովհաննեսը 105 օր զինվորական հոսպիտալում է եղել: Այս ընթացքում նրան գլխի 3 վիրահատություն են կատարել, իսկ այս տարվա մայիսին նախատեսված է չորրորդ՝ պլաստիկ վիրահատությունը, որը պետք է ծածկի նրա գլխի վիրավորումից հետո մնացած հետքերը:

Զինվորական հոսպիտալից դուրս գրվելուց հետո Հովհաննեսը Կարմիր խաչի կենտրոնում վերականգնողական բուժում է ստացել, որից հետո՝ Միքայելյանի վիրաբուժության ինստիտուտում: Գայանե Ասատրյանի խոսքով՝ որդու հետ շատ են աշխատել կինեզիստները եւ ռեաբիլիտոլոգները, եւ նրանց աշխատանքը պտուղ է տալիս:

Հովհաննեսի գլխի մեջ մտած գնդակը վնասել է խոսքի կենտրոնը, այդ պատճառով նա երկար ժամանակ չէր կարողանում խոսել: Հիմա նա վերականգնողական բուժման շնորհիվ կարողանում է բառեր եւ արտահայտություններ ասել, սակայն դեռեւս ազատ խոսել չի կարողանում:

Այսօր՝ փետրվարի 23-ին, պաշտպանության նախարար Վիգեն Սարգսյանը հանդիպել է Երեւանի Հերացու անվան պետական բժշկական համալսարանի դասախոսների եւ ուսանողների, ռազմական բժշկության ֆակուլտետի կուրսանտների եւ վիրավոր զինծառայողների ու զինվորական հաշմանդամների հետ: Հանդիպման ընթացքում Հովհաննեսը եւ մյուս զինվորները հայկական արտադրության «Արմթաբ» պլանշետներ են նվեր ստացել:

Հովհաննեսին օգնել ցանկացողները կարող են ֆինանսական օգնություն փոխանցել հետեւյալ հաշիվներին՝

UNIBANK

AMD 24100331042201

USD 24100331042202

EUR 24100331042203

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է