Մկների հղի էգերի շրջանում D վիտամինի ակտիվ ձեւն ընդունելը ժառանգների մոտ նվազեցնում է աուտիզմի առաջացման հավանականությունը, պարզել են Ավստրալիայի University of Queensland-ի գիտնականները: Նրանք իրենց աշխատանքի արդյունքները ներկայացրել են Molecular Autism ամսագրում:
Նախորդ հետազոտություններով պարզվել է, որ մկների հղի էգերի իմունիտետի վրա վիրուսային ազդեցությունը նպաստում է, որ ժառանգները հաճախ մարդկանց աուտիզմին նման ախտանշաններով ծնվեն: Նման մկները ցուցադրում են նվազ սոցիալական փոխգործակցություն, բազային հմտություններ սովորելու ցածր ունակություն եւ վարքագծի այլ շեղումներ:
Հետազոտության ընթացքում գիտնականները մկների էգերին մշակել են նյութով, որը նմանակում է երկշղթա ՌՆԹ-ի վիրուսները: Նյութը պոլիմերաթթվի նատրիումի աղ է, որի մի շղթան կազմավորված է պոլիիոնային թթվից, իսկ մյուսը՝ պոլիցիտիդիլաթթվից:
Հետազոտողները պարզել են, որ ակտիվ ձեւի (կալցիտրիոլ) D վիտամին ստացած մկների էգերը ժառանգներ են ունեցել, որոնք աուտիկ սպեկտրի խանգարումների նշաններով օժտված չէին: Մինչդեռ D վիտամին չստացած էգերից ծնված ժառանգները աուտիզմի ախտանշաններ են ունեցել:
Նախորդ վիճակագրական հետազոտություններով պարզվել է, որ աուտիզմով տառապող երեխաներ ծննդաբերած կանայք մեծ մասամբ հղիության ընթացքում D վիտամինի համաչափ քանակ չեն ստացել:.
Գիտնականների խոսքով՝ D վիտամինը կարեւոր նշանակություն ունի ոսկորների առողջության պահպանման համար, սակայն դրա ակտիվ ձեւը (որն օգտագործել են մկների դեպքում) հղի կանանց հակացուցված է, քանի որ կարող է ազդել զարգացող պտղի կմախքի վրա:
Հետազոտողները ծրագրում են որոշել, թե նույն մակարդակին հասնելու համար որքան խոլեկալցիֆերոլ է (D վիտամինի ակտիվ ձեւը) անհրաժեշտ, որը հղի կանանց համար անվտանգ է:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր