• Latest news

Գիտնականներն առաջարկել են թրոմբերի կանխարգելման համար ասպիրինն այլ դեղամիջոցով փոխարինել

21 մարտի, 2017  10:47

Ռիվարոքսաբան հակակաոգուլյանտը նույնքան անվտանգ է, որքան ասպիրինը, բայց այն ավելի արդյունավետորեն է կանխում թոքերում եւ ոտքերին առաջացող կյանքի համար վտանգավոր թրոմբերը: Այս մասին հաղորդել են նոր հետազոտության հեղինակները, որը հրապարակվել է New England Journal of Medicine ամսագրում:

Բազմաթիվ բժիշկներ այսօր խուսափում են հակակոագուլյանտներից, քանի որ դրանք կարող են արնահոսություն առաջացնել: Սակայն հետազոտությունները ցույց են տվել, որ ռիվարոքսաբանն ասպիրինից ավելի հաջող է պայքարում արյան խտացումների դեմ, իսկ կողմնակի ազդեցությունները գրեթե նույնն են:

3392 հիվանդի մասնակցությամբ անցկացված հետազոտությունը ցույց է տվել, որ ասպիրին ընդունելիս թրոմբը կարող է նորից կազմավորվել 4.4% դեպքերում, իսկ ռիվարոքսաբան ընդունելու պարագայում՝ միայն 1.2-1.5% դեպքերում՝ կախված չափաքանակից (10 եւ 20 մգ, համապատասխանաբար):

Ինչ վերաբերում է կողմնակի աղդեցություններին. ուժեղ արնահոսության բախվել է ասպիրին ընդունող հիվանդների 0.3%-ը եւ ռիվարոքսաբան ընդունող հիվանդների 0.4-0.5%-ը (10 եւ 20 մգ):

Նշենք, որ Կանադայում ասպիրինը վաճառվում է առանց բժշկի դեղատոմսի եւ շատ էժան, իսկ ռիվարոքսաբանն ամսական շուրջ 100 դոլար արժե եւ կարելի է գնել միայն դեղատոմսով: Ամեն դեպքում, կանադացի գիտնականները վստահ են, որ հենց այս դեղամիջոցով է անհրաժեշտ փոխարինել ասպիրինը թրոմբի կազմավորման բարձր վտանգ ունեցող հիվանդների պարագայում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է