• Latest news

Գիտնականները գտել են ուղեղի անբուժելի հիվանդությունների աղբյուրը

23 մարտի, 2017  20:35

Ամերիկացի գիտնականները որոշել են ուղեղի այն բջիջները, որոնք մասնակցում են շների վրա Իվան Պավլովի հետազոտած պայմանական ռեֆլեքսների զարգացմանը: Պարզվել է, որ նույն նեյրոններն են ախտահարվում Հենթինգթոնի եւ Պարկինսոնի հիվանդությունների, նաեւ Տուրետի համախտանիշի դեպքում:  Լոս Անջելեսի Քալիֆորնիայի համալսարանի հետազոտողների հոդվածը հրապարակվել է Neuron ամսագրում:

Գիտնականները վերլուծել են մկների ուղեղի այն հատվածի բջիջների ակտիվությունը, որը կոչվում է շերտավոր մարմին եւ մասնակցում է ներքին օրգանների աշխատանքի կարգավորմանն ու պայմանական ռեֆլեքսների ձեւավորմանը: Փորձի ընթացքում հետազոտողները կենդանիներին սովորեցրել են ընկալել կիտրոնի եւ բանանի հոտերը որպես սնունդը (խտացրած կաթի կաթիլներ) ընդունելուց առաջ ազդանշան: Այսպիսով, Պավլովի շների նման, մկները պայմանական ռեֆլեքս են մշակել՝ հոտը հայտնվելիս նրանք օդը լպստել են:

Սովորեցնելու գործընթացից առաջ կենդանիների փորձարարական խմբում շերտավոր մարմնում ճնշվել է ոչ մեծ թվով նեյրոնների ակտիվությունը: Գիտնականները ստուգել են, թե այս միջամտությունն ինչպես կանդրադառնա ռեֆլեքսների ձեւավորման վրա:

Չնայած նյարդային բջիջների այս տեսակը ուղեղի հատվածի բոլոր բջիջների ընդամենը 2 տոկոսն է կազմել, դրանց անջատման հետեւանքով մկների մոտ պայմանական ռեֆլեքսը 2 անգամ հազվադեպ է առաջացել, քան նորմայի դեպքում: Հետազոտողները այն եզրակացության են հանգել, որ այս նեյրոնների դիսֆունկցիան զանազան նյարդաբանական խանգարումներ է առաջացնում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է