• Latest news

Ամերիկացի բժիշկը սեպսիսի բուժման պարզ միջոց է առաջարկել

24 մարտի, 2017  11:09

Ամերիկացի Նորֆոլք քաղաքից (Վիրջինիա նահանգ) բժիշկ Փոլ Մարիքը պնդում է, որ արյան վարակի դեմ պայքարի արդյունավետ միջոց է գտել՝ C վիտամինի լուծույթի ներերակային ներարկման օգնությամբ: Եթե այս փաստը հաստատվի, ապա, մասնագետների խոսքով, հսկայական գործնական նշանակություն կունենա: Փոլ Մարիքը ՏԱՍՍ-ին պատմել է, որ ուրախ կլինի, եթե իր բացահայտումն օգնի պահպանել մարդկանց առողջությունն ամբողջ աշխարհում:

2015 թվականի հունվարին Փոլ Մարիքը հերթապահել է տեղի հիվանդանոցի վերակենդանացման բաժանմունքում, երբ 48-ամյա հիվանդի են ընդունել: Նա մահամերձ է եղել: «Կնոջ երիկամները, թոքերը չէին գործում, նա մահանում էր: Նման իրավիճակներում ստիպված ես ոչ ստանդարտ լուծումներ գտնել»,- NPR ռադիոկայանի հետ զրույցում ասել է բժիշկը:

Նա հիշել է, որ դրանից կարճ ժամանակ առաջ Virginia Commonwealth University-ի (VCU) մասնագետների հաշվետվությունն է կարդացել C վիտամինի ներերակային ներարկման օգնությամբ սեպսիսի բուժման մասին: Դրան նա ավելացրել է նաեւ B1 վիտամին ու կորտիկոստերոիդներ եւ ստացված լուծույթը ներարկել կնոջը:

Առավոտյան նա հիվանդին ոչ միայն ողջ է գտել, այլեւ շատ ավելի լավ ինքնազգացողությամբ: Արդյունքում սկսել է այդ խառնուրդով բուժել նաեւ արյան վարակով մյուս հիվանդներին: Մարիքի խոսքով՝ այդ պահից ի վեր հենց սեպսիսից, այլ ոչ ուրիշ պատճառներով, նման 150 հիվանդներից մահացել է միայն մեկը:

Մարիքի աշխատանքի հաշվետվությունը հրապարակվել է Chest ամսագրում: Նրա առաջարկած մեթոդն ապշեցնում է պարզությամբ: Իսկ ինքը՝ բժիշկը, ՏԱՍՍ-ի թղթակցի հետ զրույցում անկեղծորեն ասել է, որ «շատերն այս մեթոդին թերահավատորեն են նայում հենց դրա պարզության պատճառով»:

NPR ռադիոկայանը կապվել է նաեւ VCU-ից Բերի Ֆաուլերի հետ, որի ղեկավարած թիմի աշխատանքի արդյունքներն էլ Մարիքին այդ համարձակ փորձին են մղել: Ֆաուլերը հաստատել է, որ ԱՄՆ առողջապահական ազգային ինստիտուտների 3.2 մլն դոլարի չափով դրամաշնորհով C վիտամինի ներերակային ներարկման օգնությամբ սեպսիսի բուժման շուրջ սեփական հետազոտությունն է անցկացնում:  

Ֆաուլերի խումբը սեփական մեթոդներն ունի եւ Մարիքի ստացած խառնուրդը չի օգտագործում: Ամեն դեպքում, մասնագետները հիմա առավել մեծ հետաքրքրությամբ են սպասում հետազոտության արդյունքներին: Այն անցկացվում է ԱՄՆ-ի մի քանի համալսարանների բազայի վրա եւ կարող է ավարտվել արդեն այս տարի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել