Հավանեք մեր էջը ֆեյսբուքում

 

Ձեր տան 5 ամենակեղտոտ իրերը

13 ապրիլի, 2017  10:46

Շատերը կարծում են, որ տան ամենակեղտոտ տեղը զուգարանակոնքն է: Սակայն ամենեւին էլ այդպես չէ: Ձեր ուշադրությանն ենք ներկայացնում տան մի քանի տեղերն ու իրերը, որոնք, բրիտանացի բժիշկների խոսքով, բակտերիաներով լեցուն են եւ կարող են առողջությանը վտանգ ներկայացնել:

Անկողին

Շատ վտանգավոր բակտերիաներ կարող են թաքնվել անկողնում: Ամեն գիշեր մենք մաշկի միլիոնավոր բջիջներ ենք կորցնում, իսկ դա գրավում է փոշու տիզերին: Դրանից բացի, մաշկի բջիջները հրաշալի սնունդ են որոշ բակտերիաների համար: Մասնագետները խորհուրդ են տալիս անկողինը փոխել շաբաթը մեկ անգամ, նաեւ հետեւել ներքնակների վիճակին, որոնք, նրանց խոսքով, 9 տարուց ավելի չի կարելի օգտագործել:

Ատամի խոզանակներ

Ատամի խոզանակները եւս բակտերիաների եւ վիրուսների բնակության վայր են համարվում, ուստի մասնագտները խորհուրդ են տալիս դրանք փոխել գոնե 3 ամիսը մեկ, իսկ յուրաքանչյուր օգտագործումից հետո մանրակրկիտ լվանալ: Սակայն եթե որեւէ ինֆեկցիոն հիվանդություն եք ձեռք բերել, ատամի խոզանակը պետք է փոխել առողջանալուց անմիջապես հետո՝ դրա միջոցով վարակման կրկնումից խուսափելու համար:

Խոհանոցային պարագաներ

Մասնագետները խորհուրդ են տալիս խոհանոցի սրբիչը եւ սպունգները առնվազն շաբաթը մեկ անգամ լվանալ Ցելսիուսի 60 աստիճան ջերմաստիճանի պայմաններում: Որոշ մասնագետներ նույնիսկ խոհանոցային սրբիչը տան ամենակեղտոտ իրն են համարում:

Սառնարան

Մարդկանցից շատերն անգամ չեն կռահում, թե որքան բակտերիաներ եւ վիրուսներ կարելի է գտնել ամենասովորական սառնարանում: Սառնարանի ներսում ջերմաստիճանն այնքան ցածր չէ, որ հիվանդությունների հարուցիչները ողջ չմնան, ուստի սառնարանի մեջ ուտելիքը չպետք է բաց վիճակում դնել: Իսկ սառնարանի ներսը պետք է մաքրել յուրաքանչյուր 3-6 ամիսը մեկ:

Բջջային հեռախոս

Բջջային հեռախոսները եւս մտնում են տան ամենակեղտոտ իրերի թվում: Մենք դրանց ձեռք ենք տալիս կեղտոտ ձեռքերով, դնում ենք կեղտոտ մակերեւույթների վրա, եւ զարմանալի չէ, որ դրանց մակերեւույթին կուտակվում են ախտածին մանրէներ: Մասնագետները խորհուրդ են տալիս հեռախոսների մակերեւույթը որքան հնարավոր է հաճախ սրբել հակաբակտերիալ անձեռոցիկներով:

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: