• Latest news

Ինչպիսի՞ վտանգներ են պարունակում կոսմետիկան եւ հիգիենայի պարագաները

14 ապրիլի, 2017  13:11

Եղունգների լաքը, հակաբակտերիալ օճառը, ծերանալը դանդաղեցնող կրեմները եւ խնամքի այլ պարագաներն այնքան էլ անվտանգ չեն, որքան կարող է թվալ. դրանք քիմիական միացություններ են պարունակում, որոնք բացասաբար են ազդում կանանց վերարտադրման վրա: Եվ սա այս արտադրանքի միակ կողմնակի էֆեկտը չէ, պնդում է արտամարմնական բեղմնավորման մասնագետ Սահարիկ  Ահարվալը:

Քիմիական այս նյութերը ներգործում են հորմոնների, մարդու ընդհանուր վերարտադրողական համակարգի վրա: Մասնավորապես՝ այս նյութերի ազդեցությամբ կարող է տուժել ձվարանների աշխատանքը, անպտղություն եւ վիժումներ լինել: Իսկ հակաբակտերիալ օճառն ընդհանրապես կարող է չեզոքացնել բեղմնավորման հավանականությունը, քանի որ տրիկլոզան է պարունակում՝ միացություն, որը խախտում է հորմոնալ հավասարակշռությունը եւ կարող է սպառնալ վերարտադրողական ամբողջ համակարգին:

Վտանգավոր են նաեւ պարաբենները՝ կոնսերվանտներ, որոնք հանդիպում են օճառի, շամպունների եւ բալզամների մեջ: Դրանք կոչված են բակտերիաների աճը կանխարգելելուն, սակայն մեծ խտությունը նվազեցնում է կանանց շրջանում առողջ ձվաբջիջների եւ տղամարդկանց շրջանում առողջ սերմնաբջիջների աճի հավանականությունը:

Ինչ վերաբերում է եղունգների լաքին, ապա այն պարունակում է վտանգավոր միացությունների մի ամբողջ կոկտեյլ, որոնք անպտղություն են առաջացնում թե՛ տղամարդկանց, թե՛ կանանց շրջանում: Ավելին՝ դրանք կարող են նաեւ նրանց երեխաների մոտ բնածին արատներ առաջացնել, եթե այնուամենայնիվ հաջողվի երեխա բեղմնավորել: Մասնավորապես՝ կասկածներ են առաջացնում ֆորմալդեհիդը, DPT-ի (dibutyl phthalate) նման ֆտալատները, տոլուոլը եւ թռչող օրգանական միացությունների մի ամբողջ հավաքածուն:

Բացի վերարտադրողական առողջությանը սպառնալուց, տոլուոլը նաեւ վնասում է կենտրոնական նյարդային համակարգը: Ֆտալատները փոխում են հորմոնների մակարդակը, ներգործում են վերարտադրման վրա եւ կուտակվում են կրծքի կաթում:

Մասնագետների պնդմամբ՝ ընդհանրապես կոսմետիկայում շատ միացություններ կարող են վիժումներ, վաղաժամ երկունք, մարմնի փոքր զանգվածով, սովորելու ու վարքի խնդիրներով կամ ուղեղի, երիկամների, նյարդային համակարգի վնասվածքներով երեխայի ծնունդ առաջացնել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է