• Latest news

Կրծքագեղձի քաղցկեղի դեմ նոր դեղը փոխում է խաղի կանոնները

19 ապրիլի, 2017  21:49

Բրիտանացի գիտնականները եզակի դեղամիջոց են ստեղծել, որն ընդունակ է կրծքի ուռուցքների բուժման մեջ «փոխելու խաղի կանոնները»:

Ուռուցքաբանական հետազոտությունների ինստիտուտի հետազոտողները ստեղծել են կրծքագեղձի քաղցկեղի դեմ դեղի նախատիպ, որն ուռուցքին թույլ չի տալիս աճել եւ մետաստազներ ունենալ: Լաբորատոր մկների վրա կատարված փորձերի ընթացքում հայտնաբերվել է, որ օքսիդազա լիզիլա (LOX) կոչվող սպիտակուցը կարեւոր դեր է խաղում ուռուցքի աճի եւ տարածման մեջ: Դրանից հետո գիտնականները մշակել են դեղի նախատիպ, որն արգելափակում է այս սպիտակուցը: Մկների օրգանիզմում հիվանդությունը էապես դանդաղել է, չնայած իր ագրեսիվությանը: Հետազոտողները հիմա նման դեղեր մշակելու հույս ունեն, որոնք պիտանի կլինեն մարդկանց շրջանում կիրառելու համար: Ակնկալվում է, որ կլինիկական փորձարկումները կանցկացվեն առաջիկա տարիներին:

Գիտնականներն արդեն գիտեն, որ LOX-ը կարեւոր դերակատարում ունի օրգանիզմում կրծքագեղձի տարածման գործում, եւ այժմ նրանց հաջողվել է պարզել, որ այս սպիտակուցը նպաստում է քաղցկեղի բջիջների աճին: Սա նշանակում է, որ քաղցկեղի բջիջներին աճի ազդանշաններ հաղորդելու LOX-ի ընդունակությունը խափանող դեղերը կօգնեն հիվանդների օրգանիզմում ուռուցքների տարածումը դանդաղեցնել կամ արգելափակել, ինչպես կատարվել է մկների մոտ: Նախկինում ապացուցվել է, որ LOX-ն օգնում է վերահսկել արտաբջջային մատրիցայի ձեւավորումը՝ սպիտակուցների եւ միավորող նյութի կառույցներ, որոնք բջիջները միասին են պահում եւ նպաստում քաղցկեղի տարածմանը:

Նոր հետազոտության ընթացքում ապացուցվել է, որ LOX-ն ուռուցքի աճն ապահովում է նաեւ EGFR կոչվող մոլեկուլների ռեցեպտորների վրա ազդելու միջոցով: LOX-ն արգելափակելով  CCT365623 ծածկանունով ինհիբիդոր դեղի օգնությամբ՝ գիտնականները ուռուցքների զարգացումը եւ քաղցկեղի տարածումը դանդաղեցրել են: Կարեւոր է, որ կրծքագեղձի քաղցկեղի դեմ դեղը ոչ մի նկատելի կողմնակի էֆեկտ չի ունեցել: Իրենք՝ հետազոտության հեղինակները սա անվանում են քաղցկեղի բուժման գործում «խաղի կանոնների փոփոխություն»:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է