• Latest news

Ստերոիդների կարճաժամկետ ընդունումը կարող է մեծացնել թրոմբների, կոտրվածքների եւ սեպսիսի առաջացման հավանականությունը

21 ապրիլի, 2017  17:21

Կորտիկոստերոիդներ են հաճախ նշանակում մեջքի ցավերի, բրոնխիտի նման հիվանդությունների բուժման համար: Ստերոիդների կարճաժամկետ ընդունումից հետո մեծ թվով բորբոքային հիվանդությունների ախտանշանները բարելավվում են, սակայն պարզվում է՝ նման դեղերի ընդունումը ընդհանրապես առողջության համար կարող է վտանգավոր լինել, նախազգուշացնում են University of Michigan-ի գիտնականները:

British Medical Journal-ում (BMJ) հրապարակված հետազոտության համաձայն, որի ընթացքում գիտնականները վերլուծել են 1,5 մլն ամերիկացիների տվյալները, յուրաքանչյուր հինգերորդ ամերիկացին կորտիկոստերոիդներ է ընդունել: Ըստ որում՝ պարզվել է, որ նրանցից մեծ մասի մոտ ստերոիդային դեղամիջոցների կարճաժամկետ ընդունումը կապված է եղել մի շարք կողմնակի էֆեկտների հետ:

Կյանքին սպառնացող սեպսիսով հոսպիտալացվել է ստերոիդներ ընդունած կամավորների 0,05 տոկոսը, եւ նրանցից 0,02 տոկոսը, ովքեր ստերոիդներ չեն օգտագործել: Ստերոիդային դեղամիջոցներ ընդունած մասնակիցների մոտ նաեւ ավելի հաճախ են թրոմբներ առաջացել՝ նրանց համեմատությամբ, ովքեր ստերոիդներ չեն ընդունել (0,14 տոկոս ընդդեմ 0,09 տոկոսի): Դրանից բացի, պարզվել է, որ ստերոիդներ ընդունած մարդկանց շրջանում բարձր է եղել կոտրվածքներ ստանալու հավանականությունը (0,51 տոկոս ընդդեմ 0,39 տոկոսի): Այսպիսով, կարճ ժամանակահատվածում ստերոիդային դեղամիջոցներ ընդունած մարդիկ առնվազն 2 անգամ ավելի հաճախ են բախվել վերեւում թվարկված հիվանդություններին, քան նրանք, ովքեր այս դեղամիջոցները չեն ընդունել:

«Սովորաբար մասնագետներն իրենց ուշադրությունը կենտրոնացնում են ստերոիդների օգտագործման երկարաժամկետ հետեւանքների վրա, իսկ այս դեղամիջոցների կարճաժամկետ ընդունման պոտենցիալ վտանգների մասին ոչ մեկը չի մտածում: Մեր հետազոտությունը ցույց է տվել, որ կարճաժամկետ ընդունումը կապված է ընդունելուց հետո 30 օրվա ընթացքում 3 լուրջ խնդրի առաջացման մեծ հավանականության հետ: Մենք պետք է հասկանանք, որ ստերոիդները իրական վտանգներ են պարունակում, եւ հնարավոր է, որ մենք այն ավելի հաճախ ենք օգտագործում, քան անհրաժեշտ է»,- նշել է հետազոտության հեղինակ բժիշկ Աքբար Վալջին:

Մեկ այլ հետազոտության տվյալների համաձայն, որն իրականացրել է Քվինսլենդի համալսարանը, ստերոիդային դեղամիջոցները կապ ունեն ճարպակալման համաճարակի հետ, որն ընդգրկել է ամբողջ աշխարհը: Բանն այն է, որ այս դեղամիջոցները դանդաղեցնում են շագանակագույն ճարպում կալորիաների այրման գործընթացը: Ճարպային նստվածքների այս տեսակը պատասխանատու է ջերմության արտադրման եւ սովորական (սպիտակ) ճարպի մշակման համար, որն էներգիան է պաշարում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է