• Latest news

Գիտնականները նոր զենք են գտել հակաբիոտիկների նկատմամբ ռեզիստենտ սուպերբակտերիաների դեմ

22 ապրիլի, 2017  18:33

St. Boniface Hospital Albrechtsen Research Centre եւ University of Manitoba-ի գիտնականները նոր դեղ են մշակել, որը կարող է արդյունավետորեն պայքարել գոյություն ունեցող հակաբիոտիկների նկատմամբ ռեզիստենտ 10 «գերակա ախտածիններից» երկուսի դեմ:

PEG-2S կոչվող դեղամիջոցը նախնական արտոնագիր է ստացել, իսկ մշակման մասին ներկայացված է Canadian Journal of Physiology and Pharmacology ամսագրում հրապարակված հոդվածում: Դեղամիջոցի հիմնական առանձնահատկությունն այն է, որ այն կանխում է բակտերիաների բազմացումն ու տարածումը, սակայն առողջ բջիջների վրա չի ազդում:

Մշակողների խոսքով՝ PEG-2S-ը կարող է ոչնչացնել գոնոկոկի եւ կապտաթարախային ցուպիկի կայուն շտամները: Գոնոկոկը գոնորեա հիվանդության հարուցիչն է, իսկ կապտաթարախային ցուպիկը՝ հիվանդանոցային ինֆեկցիաների:

Նշենք, որ կայուն բակտերիաների դեմ պայքարի համար նոր հակաբիոտիկների ստեղծումը չափազանց բարդ է, որը շատ ժամանակ է պահանջում (10 եւ ավելի տարի): Հակաբիոտիկակայունությունը շատ ավելի արագ է զարգանում եւ տարածվում, քան նոր դեղամիջոցներ են ստեղծվում: 1987 թվականից հետո գիտնականները ոչ մի նոր հակաբիոտիկ չեն հայտնաբերել, իսկ 2009 թվականից մինչ օրս ամերիկյան FDA-ն հավանություն է տվել ընդամենը 2 հակաբիոտիկի կիրառմանը:

Հիմնական խնդիրներից մեկն այն է, որ մշակվող դեղերը հիմնականում ուղղված են բակտերիաների այն նույն խոցելի տեղերին, որոնց են ուղղված նաեւ արդեն գոյություն ունեցող միջոցները, հետեւաբար՝ չեն կարող բավականին արդյունավետ լինել:

Նոր դեղամիջոցի թիրախը սպիտակուցն է, որը մասնակցում է արտաքին միջավայրից անհրաժեշտ բակտերիաների իոնների փոխադրմանը: Այս սպիտակուցի ակտիվության ճնշումը բակտերիաները ոչնչացնում է՝ բակտերիաները պարզապես «շնչահեղձ» են լինում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է