• Latest news

Ինչո՞ւ է յուրաքանչյուր մարդ հոտերը յուրովի զգում

25 ապրիլի, 2017  18:45

Հոտառությունը որոշվում է ոչ միայն «հոտառության գեների» կառուցվածքի տարբերություններով, այլեւ այն հանգամանքով, թե կյանքի անցած տարիներին եւ օրերին կենդանիները կամ մարդիկ ինչ հոտեր են զգացել: Սա պարզվել է «երկվորյակ» մկների դիտարկումներով:

«Պարզվել է, որ քթի հյուսվածքների ձեւավորման մեջ գեների դերը նախկինի նման անչափ մեծ է, սակայն դրա հետ մեկտեղ շրջակա միջավայրը պակաս ավանդ չունի հոտառության զգացման զարգացման մեջ: Մենք հայտնաբերել ենք, որ հոտառության բջիջների վարքը եւ հատկությունները կախված են ոչ միայն գեներից, այլեւ դրանք կրողի կյանքի պատմությունից»,- ասել է Կամպինաս (Բրազիլիա) քաղաքի համալսարանից Ֆաբիո Փեյփսը:

Մարդու քիթը նյարդային միլիոնավոր բջիջներ է պարունակում, որոնք պատասխանատու են տարբեր հոտերը տարբերակելու համար: Այս բջիջները մարդու կյանքի ամբողջ ընթացքում մշտապես թարմանում են:

Հոտառության ռեցեպտորների տեսակների մեծ քանակը, դրանք մոտ հազարի են հասնում, գիտնականներին խանգարում է հասկանալ, թե հոտերը տարբերակելու ունակությունն ինչու է տարբեր մարդկանց մոտ նկատելիորեն տարբերվում: Հետազոտողները վիճաբանում են այն հարցի շուրջ, թե արդյոք մարդու կյանքի պայմաններն ազդո՞ւմ են հոտերը տարբերակելու ունակության վրա, կամ տարբերությունները պայմանավորված են միայն գեներո՞վ:

Փեյփսի խումբը այս հարցի պատասխանը գտնելու սրամիտ մեթոդ է մտահղացել՝ հետեւելով, թե միատեսակ եւ տարբեր գենետիկ գծերի մկների քթի նյարդային բջիջներն ինչպես են արձագանքում տարբեր հոտերին:

Հետազոտողներն այս նպատակով մեծացրել են մկների մի քանի խմբերի, որոնց մի մասն ապրել է նույն հոտով վանդակներում, մյուսները՝ 4 տարբեր հոտերով վանդակներում: Երբ մկները մեծացել են, գիտնականները նրանց քթերից հանել են հոտառության նեյրոնները, դրանք բազմացրել են եւ ուսումնասիրել, թե հոտերը տարբերակող ինչ սպիտակուցներ են առկա եղել մկների բջիջների տարբեր տեսակներում:

Պարզվել է, որ տարբեր հոտերով վանդակների մկները ունեցել են սպիտակուցների ոչ միատեսակ հավաքածու, որոնք պատասխանատու են հոտերի տարբերակման համար, չնայած նրանք նույնանման գեներ են ունեցել: Դրանց աշխատանքում տարբերությունները պահպանվել են մի քանի շաբաթ կամ նույնիսկ ամիս, եւ դրանք փոխվել են հոտերի նոր տեսակով վանդակներում հայտնվելիս:

Փեյփսի խոսքով՝ մարդու կամ մկների կողմից անցյալում ընկալած տարբեր հոտերի ազդեցությամբ այս սպիտակուցների խտության մեջ փոփոխությունները այն պատճառն են, թե ինչու է մեզնից յուրաքանչյուրն օժտված եզակի եւ մշտապես փոխվող հոտառությամբ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է