Պանիրն անսպասելի վտանգ է պարունակում

Սննդի մեջ պանրի օգտագործումը կարող է հանգեցնել հակաբիոտիկների նկատմամբ մարդու կայունության զարգացմանը, հայտարարել են շվեյցարացի հետազոտողները:

Դա կապ ունի ներկայումս պանրի պատրաստման գործընթացի հետ: Այն կաթից է պատրաստվում, որի մեջ հակաբիոտիկներ կան:

Գիտնականների խոսքով՝ հակաբիոտիկները կաթի մեջ են հայտնվում կովերի օրգանիզմից, որոնք տարբեր հիվանդությունների կանխարգելման կամ բուժման համար դեղամիջոցներ են ստանում: Արդյունքում՝ կաթի մշակման ընթացքում նյութերը փոփոխվում են, սակայն նախկինի նման ակտիվ են մնում եւ կարող են ազդել մարդու օրգանիզմի վրա:

Սննդի մեջ այսպիսի նյութերի մշտական օգտագործման դեպքում մարդու օրգանիզմում կարող է հակաբիոտիկների նկատմամբ կայունություն մշակվել: Այս հայտնագործությունը վկայում է, թե հնարավոր է՝ արժի, որ մարդիկ փոխեն պանրի պատրաստման եղանակը, քանի որ սա նույնպես իր ավանդն է ունենում կայունության զարգացման մեջ:

Դրանից զատ, հետազոտողները նշել են, որ ցանկացած կաթնամթերք միկրոօրգանիզմներ է պարունակում, որոնք մարդկանց համար վտանգ չեն ներկայացնում, սակայն կարող են վնասազերծել ամենաուժեղ դեղերը: Այս նյութը կարող է նաեւ, հակառակը, մի քանի հիվանդություններ հարուցել՝ առաջացնելով վիրուսների փոխակերպումներ եւ մարդկանց առողջության համար շատ ծանր հետեւանքներ:

Հետևեք NEWS.am Medicine-ին Facebook-ում և Twitter-ում