Նախաճաշին անհրաժեշտ է քառակուսի ափսե օգտագործել. դիետոլոգ

Նախաճաշին անհրաժեշտ է շիլան ուտել քառակուսի ափսեով, ըստ որում՝ խորհուրդ է տրվում այն կանգնած ուտել: Այս մասին հայտնել է Օքսֆորդի համալսարանի (Մեծ Բրիտանիա) դոկտոր Ջենիֆեր Նյուսոնը:

Նախաճաշը ամենակարեւոր սնունդն է, որից սկսվում է օրը, եւ օրգանիզմում ակտիվանում են փոխանակության պրոցեսները: Այդ պատճառով անչափ կարեւոր է ճիշտ նախաճաշելը, փոխանցում է The Daily Mail-ը:

Ջենիֆեր Նյուսոնը խորհուրդ է տալիս անցնել քառակուսի ափսեների, քանի որ դրանք ենթագիտակցորեն նպաստում են կուշտ լինելու զգացմանը: Դրանից բացի, դիետոլոգն առաջարկում է հրաժարվել սուրճից եւ կանգնած սնվել: Այս ընթացքում անհրաժեշտ է խոհանոցից հանել հեռուստացույցն ու գաջեթները, քանի որ ուտելիս չի կարելի շեղվել:

Հետազոտողները 78 կանանց մասնակցությամբ երկօրյա փորձ են կատարել: Պարզվել է, որ երբ մասնակիցները սնվել են շրջանաձեւ ափսեից, նրանց շիլան պակաս սննդարար է թվացել: Նույնը վերաբերել է նաեւ նստած ուտելուն:

Հետեւաբար՝ տեսողական գործոնը սնունդն ընդունելիս կարեւոր դեր ունի, այդ պատճառով արտաքին խթանները զգալի ազդեցություն են ունենում սնունդի նկատմամբ մարդկանց վերաբերմունքի վրա:

Հետևեք NEWS.am Medicine-ին Facebook-ում և Twitter-ում