Դեռահաս տարիքում մեծ քանակով աղի օգտագործումը հետագայում կարող է ծանր սիրտ-անոթային հիվանդություններ առաջացնել: Սան Ֆրանցիսկոյում կայացած Պեդիատորների ժողովում այս մասին հայտնել է ԱՄՆ Օհայոյի նահանգի Ցինցինատիի մանկական հիվանդանոցի տնօրեն Էլեյն Մ. Ուրբինան:
Նրա խոսքով՝ դեռահաս տարիքում աղի լիուլի քանակով օգտագործումը բերում է նրան, որ արյունատար անոթները ավելի կոշտ են դառնում: Իսկ զարկերակների կարծրացումն, իր հերթին, վտանգավոր է սիրտ-անոթային տարբեր հիվանդությունների առաջացման համար:
Սրտի եւ գլխուղեղի կաթվածներին հակվածությունը ավելի մեծ չափով դրսեւորվել է բազուկի թույլ զարկերակ ունեցող մարդկանց շրջանում: Դրա հետ մեկտեղ նրանց մոտ շատ բարձր է եղել երակազարկի ալիքների արագությունը: Սա Էլեյն Ուրբինային հանգեցրել է այն մտքին, որ նատրիումի չափազանց մեծ քանակը կարող է հետագայում օրգանիզմի վրա ազդել:
Այս հետազոտությունների արդյունքը փորձն էր, որին մասնակցել է ավելի քան 700 մարդ: Հետազոտողները համեմատել են իրենց սնունդում մասնակիցների օգտագործած աղի ազդեցությունը բազուկի զարկերակի առաձգականության վրա: Փորձից հետո գիտնականները եզրակացել են, որ շատ աղի կերակուրը մարդկանց առողջության համար կործանարար է:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր