• Latest news

Ինչո՞ւ է ենթաստամոքսային գեղձի քաղցկեղն այդքան արագ սպանում

9 մայիսի, 2017  18:23

Հետազոտողները հետազոտել են, թե ենթաստամոքսային գեղձի եւ այլ ուռուցքների չարորակ տեսակներն ինչու են կարողանում արագ տարածվել: Հետազոտության արդյունքները հրապարակվել են Nature Cell Biology հայտնի գիտական ամսագրում:

Ենթաստամոքսային գեղձի քաղցկեղը ուռուցքների ամենաագրեսիվ տեսակներից մեկն է, քանի որ վաղ է սկսում մետաստազներ ձեւավորել: Սակայն քաղցկեղն ինքը սովորաբար ուշ փուլում է հայտնաբերվում, ինչի պատճառով հիվանդների շրջանում մահացությունը բարձր է:

Հետազոտողները հայտնաբերել են, որ ուռուցքի այս ագրեսիվ տեսակն ակտիվացնում է սաղմնային ծրագրի առանցքային գործոնը: Այս գործոնը, որը Zeb1 է կոչվում, վերահսկում է, թե ինչպես են բջիջները տեղափոխվում եւ կենսունակ մնում վաղ սաղմնային զարգացման ժամանակ: Zeb1-ն արգելափակվում է նորմալ, լիովին զարգացած բջիջներում: Բայց երբ գործոնը երկրորդ անգամ է քաղցկեղային բջիջներում ակտիվանում, ճակատագրական հետեւանքներ է ունենում. ուռուցքային բջիջները տարածվում են ամբողջ մարմնով եւ արագ համարվում իրենց նոր միջավայրի փոփոխվող պայմաններին: Այնուհետեւ նրանք կարող են մետաստազներ առաջացնել եւ երկրորդական ուռուցքներ կազմավորել: Քաղցկեղն ագրեսիվ առաջընթաց է ունենում:

Եթե Zeb1-ը չի ակտիվանում, ապա քաղցկեղային բջիջները չեն կարողանում նոր միջավայրին արագ հարմարվել: Սա, իր հերթին, բերում է ենթաստամոքսային գեղձի քաղցկեղի տարբերակի մշակման, որը մետաստազային փոքր տարողություն ունի: Հետազոտողները հույս ունեն, որ իրենց ստացած արդյունքները կօգնեն ենթաստամոքսային գեղձի եւ ուռուցքների այլ ագրեսիվ տեսակների դեմ պայքարի համար բուժման նոր ռազմավարություններ մշակել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է