• Latest news

Բուսական սպիտակուցը կարող է կանխել 2-րդ տիպի դիաբետը

9 մայիսի, 2017  21:08

Բուսական սպիտակուցի մեծ պարունակությամբ սննդակարգը կարող է նվազեցնել 2-րդ տիպի դիաբետի առաջացման հավանականությունը, պնդում են Արեւելյան Ֆինլանդիայի (University of Eastern Finland) համալսարանի հետազոտողները: Սակայն եթե բուսական սպիտակուցը պաշտպանական դեր է կատարում, մսի սպիտակուցը մեծացնում է 2-րդ տիպի դիաբետի վտանգը: Գիտական աշխատության արդյունքները հրապարակվել են British Journal of Nutrition ամսագրում:

Դիաբետի բուժման հիմնական բաղկացուցիչը կանոնավոր ֆիզիկական ակտիվությունն է, արյան մեջ գլյուկոզայի մակարդակի նվազեցման համար դեղամիջոցների ընդունումը եւ առողջ սնվելուն հետեւելը:

Առողջ սնունդը նախատեսում է տարատեսակ մթերքների օգտագործում, ըստ որում՝ բանջարեղենը կազմում է սննդակարգի կեսը, հատիկավոր մթերքները՝ քառորդ մասը, իսկ միսը եւ սպիտակուց պարունակող այլ մթերքները՝ եւս մեկ քառորդը: Դիետոլոգները խորհուրդ են տալիս խուսափել յուղոտ կամ մշակված մսից, իսկ որպես այլընտրանք անհրաժեշտ է ընտրել անյուղ միսը, ինչպիսին է հավի միսը, բայց առանց կաշվի:

Գիտնականները հետազոտել են սպտակուցի տարբեր աղբյուրների եւ 2-րդ տիպի դիաբետի առաջացման հավանականության միջեւ կապը: Հետազոտությանը մասնակցել է 42-ից մինչեւ 60 տարեկան 2332 տղամարդ: Հետազոտության սկզբում մասնակիցներից ոչ մեկը չի տառապել 2-րդ տիպի դիաբետով: 19 տարի տեւած դիտարկումների ընթացքում 432 տղամարդկանց մոտ 2-րդ տիպի դիաբետ է ախտորոշվել:

Հետազոտողները հայտնաբերել են, որ մսի մեծ պարունակությամբ սննդակարգը կապված է 2-րդ տիպի շաքարային դիաբետի առաջացման մեծ հավանականության հետ: Կապը պահպանվել է մսի բոլոր տեսակների օգտագործման դեպքում, այդ թվում՝ կարմիր, սպիտակ մսի եւ այլ տեսակների դեպքում:

Տղամարդկանց շրջանում, որոնք բուսական սպիտակուց շատ են օգտագործել, 2-րդ տիպի դիաբետը 35 տոկոսով հազվադեպ է առաջացել: Դրանից բացի, օրական 5 գրամով կենդանական սպիտակուցը բուսականով փոխարինելու դեպքում դիաբետի հավանականությունը 18 տոկոսով նվազել է:

Հնարավոր է, որ բուսական սպիտակուցի եւ դիաբետի հավանականության նվազման միջեւ կապը պայմանավորված է արյան մեջ գլյուկոզայի մակարդակի վրա բուսական սպիտակուցի ազդեցությամբ:

Հետազոտության ընթացքում բուսական սպիտակուցի հիմնական աղբյուրներն էին հատիկավոր մթերքները՝ լրացուցիչ աղբյուրներով, այդ թվում՝ կարտոֆիլը եւ այլ բանջարեղեն:

«Կենդանական սպիտակուցի փոխարինումը բուսականով կապված է 2-րդ տիպի դիաբետի հավանականության նվազման հետ: Այս կապն անփոփոխ է մնացել ըստ մարմնի զանգվածի ինդեքսի շտկելիս: Որպես վերջաբան կարելի է ասել, որ բուսական սպիտակուցին եւ ձվին նախապատվություն տալն օգտակար է եղել 2-րդ տիպի դիաբետի կանխման հարցում»,- ասել են հետազոտության հեղինակները:

Հետազոտողները նշում են, որ կաթի եւ ձկան սպիտակուցները կապված չեն 2-րդ տիպի շաքարային դիաբետի առաջացման հավանականության հետ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է