Մայք Սարյանը ճանաչվել է ԱՄՆ առողջապահության ոլորտի 25 լավագույն վիրաբուժական տնօրեններից մեկը

10 մայիսի, 2017  22:39

Հասարակական ակտիվիստ եւ բարեգործ Մայք Սարյանը մտել է ԱՄՆ առողջապահության ոլորտի 25 լավագույն վիրաբուժական տնօրենների ցուցակի մեջ՝ ըստ Modern Healthcare պարբերականի վարկածի:

Գլխավոր վիրաբուժական տնօրենը,- գործադիր տնօրենի նմանակը,- պատասխանատու է ամենօրյա վիրահատությունների, գլխավոր տնօրենի (CEO)  եւ/կամ տնօրենների խորհրդի վերահսկողությամբ կազմակերպության ընթացիկ գործունեության համար:

2012 թվականից Սարյանը գլխավոր վիրաբուժական տնօրենի պաշտոնը զբաղեցնում է Prime Healthcare Services-ում՝ կազմակերպություն, որը 44 հիվանդանոցներ ունի, որտեղ աշխատում է 43,500 մարդ: Մինչ այս նա աշխատել է Prospect Medical Holdings-ում եւ Heritage Medical Group-ում:

Լրատվամիջոցները հայտնում են, որ չնայած զբաղվածությանը, Սարյանը մշտապես ժամանակ է հատկացրել հայ համայնքին, զբաղվել է նաեւ բարեգործությամբ, հատկապես կրթական ոլորտում: Դրանից բացի, վերջին տարիներին նա մեկ միլիոն դոլար է ներդրել եւ սարքավորումներ գնել Հայաստանի հիվանդանոցների համար:

Նա նաեւ օգնել է ԱՄՆ փոխնախագահ Մայք Փենսի եւ Հայաստանի նախագահ Սերժ Սարգսյանի միջեւ հեռախոսազրույցի կազմակերպմանը:

2015 թվականին Սարյանը պարգեւատրվել է հեղինակավոր Ellis Island Medal of Honor մեդալով Ամերիկայի, Քալիֆորնիայի հայ համայնքի եւ Հայաստանի զարգացման գործում ունեցած ավանդի համար:

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: