Մայիսի 21-ին՝ ՁԻԱՀ–ից մահացած անձանց հիշատակի օրը, ժամը 15:00-19:00 Հյուսիսային պողոտայում կանցկացվի «Միավորվենք՝ վերջ դնելու ՄԻԱՎ-ի համաճարակին» խորագրով հանրային միջոցառում, որի ընթացքում անցորդներին կընձեռվի ՄԻԱՎ վարակի վերաբերյալ նախա/հետթեստային խորհրդատվությամբ ուղեկցվող արագ եւ անվճար թեստավորում անցնելու հնարավորություն:
Միջոցառումը նպատակ ունի հասարակության շրջանում խրախուսել ՄԻԱՎ-ի վերաբերյալ հետազոտություն անցնելու ցանկությունը, փոխել հետազոտման հետ կապված կարծրատիպերը, ինչպես նաեւ ամրապնդել այն դիրքորոշումը, որ ՄԻԱՎ-ի վերաբերյալ հետազոտությունը կարեւոր է սեփական առողջությունը պահպանելու եւ վարակի փոխանցումը կանխելու տեսանկյունից:
Ակցիայի կազմակերպիչներն են «Դրական մարդկանց հայկական ցանց» սոց. ՀԿ-ն՝ Երեւանի քաղաքապետարանի եւ ՁԻԱՀ-ի ԿՀԿ-ի աջակցությամբ: Ակցիայի ընթացքում անցորդներին նաեւ կբաժանվեն նպատակային տեղեկատվությամբ բրոշյուրներ եւ լիֆլետներ: Ակցիայի շրջանակներում հանրությունը կիրազեկվի ՀՀ-ում ՄԻԱՎ/ՁԻԱՀ-ի առկա իրավիճակի, անվճար բուժման հասանելիության, եւ հասարակությունում շրջանառվող թյուր եւ խտրական հետեւանքների մասին:
Միջոցառմանը կմասնակցեն ՀՀ-ում իրենց դիվանագիտական առաքելությունն իրականացնող անձինք, ՀՀ կառավարության ներկայացուցիչներ, միջազգային և տեղական ՀԿ-ների, թիրախային կառույցների հավատարմատարներ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր