• Latest news

Երեք հայ բժիշկներ Սուդանում ժամանակավորապես փոխարինում են Թոմ Կատինային

22 մայիսի, 2017  17:49

«Ավրորա» մրցանակի հավակնորդ, բժիշկ Թոմ Կատինան արդեն երկար տարիներ աշխատում է Սուդանի Նուբա լեռներում գտնվող «Գթության մայր» հիվանդանոցում եւ այն առանց ծանրակշիռ պատճառի չի լքում: Այսօր դոկտոր Կատինան Հայաստան է եկել՝ «Ավրորա» մրցանակը հանձնելու արարողությանը մասնակցելու համար: Նրա բացակայությամբ երեք հայ բժիշկներ Սուդան են մեկնել՝ հվանդանոցում նրան ժամանակավորապես փոխարինելու համար, որտեղ նա միակ բժիշկն է:

Ռազմական բժիշկներ՝ փոխգնդապետ Գեւորգ Ոսկանյանը եւ մայոր Հայկ Հովհաննիսյանը Սուդան են մեկնել Հայաստանից. նրանցից ոչ մեկը երկար չմտմտաց՝ երկու բժիշկն էլ անմիջապես համաձայնվեցին այս ուղեւորությանը: Արդեն Սուդանում նրանց միացավ գինեկոլոգ Արմինե Բարխուդարյանը, որն անցյալ տարվա դեկտեմբերից աշխատում է Քենիայի Մալինդի քաղաքի հոսպիտալում:

Արմինե Բարխուդարյանի մայրը՝ Անժելա Օհանյանը, NEWS.am Medicine-ի թղթակցի հետ զրույցում պատմեց, որ դուստրը մեծ բավականությամբ է Աֆրիկայում աշխատում: Երիտասարդ գինեկոլոգն ավարտել է Ռուսաստանի Սեչենովի անվան Բժշկական ակադեմիան, սովորել է օրդինատուրայում, այնուհետեւ եկել է Երեւան: Շուտով նա որոշել է միսիոներությամբ զբաղվել եւ մեկնել է Աֆրիկա:

«Նա մշտապես ցանկանում էր մարդկանց օգնել, բարեգործությամբ զբաղվել: Ես մայր եմ եւ նրա համար անհանգստանում եմ, բայց նրան դուր է գալիս այն, ինչով զբաղված է, նա այնտեղ երջանիկ է եւ կարող է մարդկանց օգնել, որոնք իսկապես օգնության կարիք ունեն»,- ասաց Անժելա Օհանյանը:

Աֆրիկական երկրներում, որտեղ պատերազմական գործողություններ են ծավալվում, վիրաբույժների մեծ կարիք կա, որոնք կարող են օգնել վիրավորներին եւ կյանքեր փրկել: Սակայն այնտեղ գինեկոլոգներն էլ են շատ պահանջված, այդ պատճառով Արմինե Բարխուդարյանն իսկապես շատ աշխատանք ունի՝ ե՛ւ Քենիայում, ե՛ւ Սուդանում: Նա, իհարկե, հարազատներին իր աշխատանքի մասին քիչ է պատմում՝ չի ցանկանում, որ նրանք անհանգստանան: Երբեմն միայն պատմում է, որ այնտեղ աշխատելը շատ դժվար է՝ հիվանդանոցներում պայմաններ չկան, որոնց վարժվել են զարգացած եւ զարգացող երկրների բժիշկները, չեն բավականացնում տեխնիկան եւ դեղերը: Այսպիսի պայմաններում է աշխատել Թոմ Կատինան, եւ հիմա նույն պայմաններում են աշխատում հայ բժիշկները:

«Դոկտոր Թոմ Կատինան ոգեւորել է դստերս,- ասում է Անժելա Օհանյանը,- Նա իսկապես ականավոր մարդ է: Ինքներդ մտածեք՝ քչերը կթողնեն իրենց տաքուկ եւ բարեկեցիկ կյանքը, որպեսզի մեկնեն հեռավոր լեռներում կորած հոսպիտալ եւ օգնեն մարդկանց, որոնք ոչ մի այլ օգնող չունեն»:

Երբ Թոմ Կատինան Սուդան վերադառնա, Արմինե Բարխուդարյանը Հայաստան կվերադառնա, հարազատների մոտ: Ճիշտ է, նրա մոր խոսքով, նա հազիվ թե Հայաստանում երկար մնա, ավելի շուտ դարձյալ հումանիտար միսիայով Աֆրիկա կգնա:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է