• Latest news

Եմենում խոլերայի համաճարակի զոհերի թիվը հասել է 315-ի

22 մայիսի, 2017  22:24

Եմենում խոլերայի համաճարակն արագորեն տարածվում է: Առողջապահության համաշխարհային կազմակերպության (ԱՀԿ) տվյալներով՝ ապրիլի 27-ից մինչ օրս հիվանդությունն արդեն 315 մարդու կյանք է խլել: Ամենաշատ վարակվածները մայրաքաղաք Սանայում են, որտեղ իշխանություններն արտակարգ դրություն են հայտարարել:

ՄԱԿ-ի տվյալներով՝ այստեղ բնակչության երկու երրորդը (շուրջ 8 մլն մարդ) մաքուր խմելու ջուր չունի, իսկ խոլերան տարածվում է հենց կեղտոտ ջրի եւ սննդի միջոցով: Հիվանդության ընթացքը, որպես կանոն, ծանր է լինում, եւ բուժում չստանալու դեպքում մահը վրա է հասնում հաշված ժամերի ընթացքում:

Եմենի իշխանությունները հիվանդության բռնկման մասին առաջին անգամ հայտնել են 2016 թվականի հոկտեմբերին: ԱՀԿ-ի տվյալներով՝ այն շրջաններում, որտեղ վարակի վտանգը մեծ է, շուրջ 7.6 մլն մարդ է բնակվում: Առայժմ հաղորդվում է 22 նահանգներից 19-ում վարակի 29.300 հնարավոր դեպքի մասին:

«Բժիշկներ առանց սահմանների» կազմակերպությունը միջազգային հանրությանը կոչ է անում անհապաղ օգնություն ցուցաբերել Եմենին՝ խոլերայի տարածումը կանխելու համար:

Նշենք, որ Եմենում հակամարտությունը սրվեց 2015 թվականի մարտին: Այդ ժամանակից ի վեր, ՄԱԿ-ի տվյալներով, ավելի քան 8 հազար մարդ է զոհվել՝ հիմնականում խաղաղ բնակիչներ: Շուրջ 19 մլն մարդ պատերազմի պատճառով մարդասիրական օգնության կարիք ունի: ԱՀԿ-ի տվյալներով՝ երկրում 300 պոլիկլինիկա եւ հիվանդանոց է ավերվել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է