• Latest news

Մելանոմայի առաջացման 6 հիմնական գործոն

24 մայիսի, 2017  18:57

Մաշկի հարթաբջջային եւ բազալ բջջային քաղցկեղի շարքում մելանոման մաշկի չարորակ ուռուցքների տարատեսակներից մեկն է: Մելանոման ավելի հաճախ տեղակայվում է մաշկում, հազվադեպ՝ աչքի ցանցաթաղանթում եւ լորձաթաղանթներում: Մելանոման համարվում է առավել վտանգավոր չարորակ ուռուցքներից մեկը՝ այն արագ է առաջընթաց եւ հաճախ է ռեցիդիվներ ունենում, տարածվում գրեթե բոլոր օրգաններում:

Մաշկաբանության և սեռավարակաբանության բժշկագիտական կենտրոնի տնօրեն Միքայել Սահակյանը եւ մաշկաբան Գեւորգ Շաքարյանը ներկայացրեցին մելանոմայի առաջացման մի քանի գործոններ:

1. Ուլտրամանուշակագույն ճառագայթում

Ուլտրամանուշակագույն ճառագայթները համարվում են մելանոմայի առաջացման հավանականության հիմնական գործոնը: Ուռուցքը զարգանում է մելանոցիտներից, որոնք մելանին պիգմենտ են արտադրում, որը մաշկը պաշտպանում է ուլտրամանուշակագույն ճառագայթումից: Ուլտրամանուշակագույն ճառագայթների ազդեցությամբ մոլանոցիտների գենետիկ նյութը վնասվում է, ինչի հետեւանքով մեծանում է ուռուցքի առաջացման հավանականությունը:

2. Ֆենոտիպ

Մարդու մոտ մելանոմայի առաջացման վտանգը կապված է նաեւ նրա արտաքինի հետ՝ սպիտակ մաշկը, բաց գույնի աչքերը եւ մարզերը, վարդագույն պեպենները վտանգի գործոն են համարվում: Եվ հակառակը՝ մուգ մաշկով եւ սեւահեր մարդիկ մելանոմայով հազվադեպ են հիվանդանում:

3. Տարիք

50 տարեկանից մեծ մարդիկ ավելի խոցելի են համարվում մելանոմայի, ինչպես նաեւ մի շարք այլ հիվանդությունների հանդեպ: Մասնագետների խոսքով՝ մելանոմայով տառապող հիվանդների մեծ մասը 65-80 տարեկան է: Կանանց մոտ մելանոման ավելի հաճախ ոտքերի վրա է առաջանում, տղամարդկանց մոտ՝ մեջքին:

4. Խալեր

Մարդիկ, ում մարմնի վրա 50-ից ավելի խալ կա, մտնում են մելանոմայի առաջացման ռիսկի խմբի մեջ: Բնականաբար, մելանոման ոչ միշտ է խալերից առաջանում, ուռուցքը երբեմն հայտնվում է նաեւ հարթ մաշկի վրա: Այդուհանդերձ, մեծ թվով խալեր ունեցող մարդկանց խորհուրդ է տրվում ավելի զգույշ լինել եւ մաշկը պաշտպանել ուլտրամանուշակագույն ճառագայթումից:

5. Սոլյարի

Սոլյարի հաճախող մարդկանց մոտ մելանոմայի առաջացման հավանականությունը 70 տոկոսով մեծանում է: Հետաքրքիր է, որ մելանոմա է առավել հաճախ ախտորոշվում, ինչպես արդեն նշվեց, 50 տարեկանից մեծ մարդկանց մոտ, սակայն վերջին շրջանում այս հիվանդությունն ավելի հաճախ է հայտնաբերվում երիտասարդների մոտ, որոնք սոլյարի հաճախ են այցելում:

6. Այրվածքներ

Նույնիսկ մանկության տարիներին ստացած այրվածքները շատ տարիներ հետո կարող են մելանոմայի առաջացման պատճառ դառնալ: Այդ պատճառով մասնագետները խորհուրդ են տալիս այրվածքներից պաշտպանվել մանկության տարիներից սկսած:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է