• Latest news

Գիտնականները հայտնել են շոկոլադի նոր օգտակար հատկությունների մասին

24 մայիսի, 2017  23:46

Շոկոլադի չափավոր բաժիններով կանոնավոր օգտագործումը նվազեցնում է նախասրտերի ֆիբրիլյացիայի (շողացող առիթմիա) առաջացման հավանականությունը, պնդում են ամերիկացի, դանիացի եւ կանադացի գիտնականները: Հետազոտությունը հրապարակվել է Heart ամսագրում:

Շոկոլադի օգտագործման եւ նախասրտերի ֆիբրիլյացիայի առաջացման հավանականության նվազման միջեւ ամենաուժեղ կապը նկատվել է այն դեպքում, երբ կանայք շաբաթական կերել են շոկոլոդի մեկ բաժին (30 գրամ), իսկ տղամարդիկ՝ երկուսից մինչեւ վեց: Առաջին դեպքում շողացող առիթմիայի առաջացման հավանականությունը նվազել է 21 տոկոսով, իսկ երկրորդ դեպքում՝ 23 տոկոսով:

Հետազոտության հեղինակները նման եզրակացության են հանգել վերլուծելով դանիացի 55 հազար տղամարդկանց եւ կանանց տվյալները, որոնց առողջական վիճակին, մասնավորապես սիրտ-անոթային համակարգի վիճակին հետեւել են 1993 թվականի դեկտեմբերից 1997-ի մայիս ժամանակահատվածում:

Մասնագետները նշել են, որ առավել օգտակար է սեւ շոկոլադը, այլ ոչ թե, օրինակ, կաթնայինը (Դանիայում այն պարունակում է մոտ 30 տոկոս կակաո), մինչդեռ հետազոտության ընթացքում չեն հետեւել, թե մարդիկ հատկապես ինչ շոկոլադ են օգտագործել:

Նախկինում գիտնականները ցույց են տվել, որ կակաո պարունակող մթերքների, մասնավորապես սեւ շոկոլադի, կանոնավոր եւ չափավոր օգտագործումն արյունատար անոթների վիճակի վրա բարենպաստ է ազդում հավանաբար ֆլավոնոիդների շնորհիվ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է