• Latest news

Գիտնականներն ուղեղում հայտնաբերել են շատակերության «միացուցիչը»

28 մայիսի, 2017  18:58

Նեյրոֆիզիոլոգները մկների ուղեղում հատուկ շրջան են հայտնաբերել, որի հարկադիր միացումը, փաստորեն, կրծողին ակնթարթորեն ստիպում է կատաղի կերպով սնունդն ուտել նույնիսկ այն դեպքում, երբ արդեն կուշտ է, նշված է Science-ում հրապարակված հոդվածում:

«Այս շրջանի նույնիսկ նվազագույն խթանումը բերում է ավելորդ քաշ հավաքելուն: Ենթաթալամուսում անորոշ գոտու ընդամենը 10 րոպե տեւողությամբ խթանումից հետո մուկը կերել է սնունդի օրվա նորմայի գրեթե երրորդ մասը: Սա ցույց է տալիս, թե ինչու է ուղեղի խորքային խթանումը հաճախ բերում նրան, որ մարդիկ սկսում են պարբերական շատակերությամբ տառապել»,- ասել է Յելի համալսարանից (ԱՄՆ) Էնթոնի վան դեն Փոլը

Վան դեն Փոլը եւ նրա գործընկեր Սյաոբին Չժանը ուղեղի այն շրջանը, որը կապված է շատակերության հետ, հայտնաբերել են հետազոտելով, այսպես կոչված, ենթաթալամուսի աշխատանքը, որը տեղակայված է հիպոթալամուսի ետեւում ու կեղեւի, թալամուսի մյուս հատվածների եւ ողնուղեղի միջեւ կապող դեր ունի: Այս շրջանն այսօր հաճախ օգտագործվում է որպես ուղեղի էլեկտրական խթանման «թիրախ» նյարդային ջղաձգության եւ ուղեղի աշխատանքի այլ խանգարումների դեմ պայքարի ժամանակ:

Հայտնագործության հեղինակները նշում են, որ նման բուժումը հաճախ անսովոր կողմնակի արդյունքներ է առաջացնում՝ հիվանդների մոտ պարբերաբար «կատաղի» ախորժակ է առաջանում, եւ նրանք սկսում են ավելորդ քաշ հավաքել:

Փորձելով հասկանալ, թե ինչու է դա տեղի ունենում, գիտնականները ենթաթալամուսի բջիջները, որոնք հատուկ վիրուսով են վարակել, փորձարկել են մկների վրա, ինչը նրանց թույլ է տվել նեյրոնները հարկադիր «միացնել» եւ «անջատել» լազերի խթանների միջոցով: Այս բջիջների խթանումը իսկապես ցնցող էֆեկտ է առաջացրել՝ մկները կտրուկ փոխել են իրենց վարքը եւ սկսել են սնունդը ջղաձգորեն ուտել լազերը միացնելուց մեկ ակնթարթ հետո՝ նույնիսկ այն դեպքերում, երբ կուշտ էին, եւ մեկ վայրկյան անց սնունդն անտեսել են: Նման խթանման ընդամենը 10 րոպե տեւողության ընթացքում նրանք կերել են սնունդի օրական նորմայի երրորդ մասը, իսկ 40 րոպե հետո հասել են 80 տոկոս նիշին:

Շատակերության այս նոպաների զարգացման պատճառն այն է, որ «անորոշ գոտու» նեյրոնները հիպոթալամուսի հագեցածության կենտրոնում ճնշել են նյարդային բջիջների աշխատանքը: Հետաքրքիրն այն է, որ «շատակերության կենտրոնի» տեւական խթանումը փոխել է մկների սննդային նախապատվությունները եւ նրանց ստիպել է ավելի շատ քաղցր ու յուղոտ սնունդ ուտել, որը կարող է կապված լինել ճարպակալման եւ գեր մարդկանց նյութափոխանակության խնդիրների առաջացման հետ: Այս բջիջների աշխատանքի ճնշումն իր հերթին բերում է մկների քաշի բավականին արագ նվազման, որը կարելի է ապագայում օգտագործել ճարպակալման դեմ պայքարի համար:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է