Կենցաղային քիմիան բնածին արատներ է առաջացնում

Ամերիկացի գիտնականները կապ են հայտնաբերել կենցաղային քիմիական նյութերի եւ բնածին արատների միջեւ:

Կենցաղային նման միջոցների մշակման մեջ, ինչպիսին են լվացող միջոցները, լվացքի փոշիները, մազի բալզամները, շամպունները, ախտահանող միջոցները, չորրորդական ամոնիումային միացություններ են օգտագործում: Հետազոտություններով պարզվել է, որ հատկապես այս նյութերը կարող են բնածին արատներ առաջացնել:

Վիրջինիայի նահանգի համալսարանից Թերի Հրուբեքը հայտնել է, որ ժամանակակից առօրյա կյանքում մարդը չի կարող այս միջոցներից ազատվել, դրանք օգտագործում են ոչ միայն տանը, այլ նաեւ հիվանդանոցներում, ուսումնական հաստատություններում, լողավազաններում եւ հասարակական այլ վայրերում:

Լաբորատոր փորձերի ընթացքում պարզվել է, որ ալկիլ դեմիթիլ բենզիլ քլորիդը (ADBAC) եւ դեդեցիդ դեմիթիլ ամոնիում քլորիդը (DDAC) բոլոր կենցաղային քիմիական միջոցների բաղադրությունում առավել արժեքավոր տարրն են: Դրանք հակամանրէային եւ հակավիճակագրական լավ հատկություններ ունեն: Սակայն կարող են բնածին արատներ առաջացնել, օրինակ՝ հակացեֆալիա կամ ողնաշարի ճաք:

Իրենց տեսությունը հաստատելու համար մասնագետներն ամեն օր մկների վանդակների մակերեւույթը քմիական միջոցներով են մաքրել: Որոշ ժամանակ անց այսպիսի վանդակներում ապրող կրծողների մոտ որոշ փոփոխություններ են նկատվել, իսկ նորածինների մոտ՝ բնածին արատներ:

Հետևեք NEWS.am Medicine-ին Facebook-ում և Twitter-ում