• Latest news

Ի՞նչ է նշանակում 5 տարվա ռեմիսիան

19 հունիսի, 2017  18:11

Քաղցկեղային հիվանդությունների բուժման մասին խոսելիս մասնագետներից շատերը հիշատակում են 5 տարվա ռեմիսիայի մասին: Ի՞նչ է սա նշանակում: Այս հարցի շուրջ NEWS.am Medicine-ը զրուցեց քիմիաթերապեւտ Լեւոն Բադալյանի հետ:

Մասնագետի պարզաբանմամբ՝ համարվում է, որ եթե բուժումից հետո առաջին 5 տարիներին հիվանդությունը չի կրկնվել, երկրորդ անգամ դրա հայտնվելու հավանականությունն այնքան է, որքան այն մարդու դեպքում, որը երբեք այս հիվանդությամբ չի հիվանդացել: 5 տարին, իհարկե, միջինացված, պայմանական ժամկետ է: Մասնագետի խոսքով՝ ավելի կարեւոր է բուժումից հետո առաջին 3 տարին՝ հենց այս ժամանակ է հիվանդության կրկնվելու հավանականությունը հատկապես մեծ: Եթե 3, ապա եւ 5 տարվա ընթացքում հիվանդությունը չի վերադառնում, հիվանդին կարելի է պայմանականորեն առողջ համարել:

Արեւմտյան մասնագետները տարբերակում են մասնակի եւ լրիվ ռեմիսիա: Մասնակի ռեմիսիայի դեպքում հիվանդության զարգացումը կանգ է առնում, սակայն դրա ախտանիշներն ու դրսեւորումներն ամբողջությամբ չեն վերանում: Իսկ լրիվ ռեմիսիայի դեպքում բոլոր ախտանիշներն անհետանում են. եթե լրիվ ռեմիսիան շարունակվում է նվազագույնը 5 տարի, համարվում է, որ հիվանդն առողջացել է: Սակայն հազվադեպ է, որ որեւէ հիվանդ «առողջանալ» բառն օգտագործի, եթե խոսքը քաղցկեղի մասին է:

Բուժումից հետո երբեմն քաղցկեղային բջիջները մնում են օրգանիզմում, եւ հենց այս բջիջների հետեւանքով է որոշ դեպքերում քաղցկեղը վերադառնում: Սովորաբար նման բան է տեղի ունենում բուժումն ավարտելուց հետո առաջին 3-5 տարիների ընթացքում: Բայց հազվադեպ հիվանդությունը կարող է վերադառնալ նաեւ 10-15 տարի հետո: Հատկապես այս պատճառով բուժումից հետո խորհուրդ է տրվում շատ տարիների ընթացքում հետեւել հիվանդի առողջական վիճակին եւ պարբերաբար հետազոտություններ անցկացնել, որոնք կօգնեն ժամանակին հայտնաբերել հիվանդության կրկնությունը եւ անհրաժեշտ միջոցառումներ ձեռնարկել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է