• Latest news

Կինը ծննդաբերել է Սաուդիան Արաբիայից Հնդկաստան թռչող օդանավում

19 հունիսի, 2017  19:41

Հնդկական Jet Airways ավիաընկերության օդանավում փոքրիկ է ծնվել, հայտնում է The Times of India-ն: Նա ավիաընկերության չվերթներով անվճար թռչելու ցմահ իրավունք է ստացել:

Փոքրիկի մոր՝ Չիչիմոլ Ջոսեի մոտ երկունքի ցավերը սկսվել են հունիսի 18-ին՝ Սաուդյան Արաբիայից Հնդկաստան չվերթի ժամանակ: Կինը հղիության 30-րդ շաբաթում էր:

Երբ նրա մոտ երկունքի ցավերը սկսվել են, օդաչուները արտահերթ վայրէջք կատարելու որոշում են ընդունել: Երկրի հարավ-արեւմուտքում գտնվող Քոչի քաղաք թռչող օդանավն ուղարկել են Մումբա:

Սակայն Ջոսեն հասցրել է ծննդաբերել վայրէջքից մոտ կես ժամ առաջ: Օդանավի ուղեւորների թվում բժիշկ է եղել, որը ուղեկցորդուհիների հետ ճանապարհորդ կնոջն օգնություն է ցույց տվել: Ծնունդը բարեհաջող է անցել: Վայրէջքից հետո մորն ու նորածնին հիվանդանոց են տեղափոխել:

Jet Airways-ը իր օդանավերով կանանց թույլ է տալիս ճանապարհորդել ընդհուպ մինչեւ հղիության 36-րդ շաբաթը: Սակայն դրա համար նրանք պետք է բժշկական վկայական ներկայացնեն, որը կհաստատի, որ ի վիճակի են թռիչքը հաղթահարել:

2016 թվականի սեպտեմբերին համանման դեպք է տեղի ունեցել լիբիական Buraq Air ավիաընկերության չվերթի ժամանակ: Օդանավում լույս աշխարհ եկած երեխան նույնպես ավիափոխադրողի ցմահ «անցատոմս» էր ստացել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է