Հավանեք մեր էջը ֆեյսբուքում

 

Հայ սպան փրկել է իրանցի փոքրիկի կյանքը. երեխային ցողունային բջիջների փոխպատվաստում է կատարվել (ֆոտո)

4 հուլիսի, 2017  15:39

Ոսկրածուծի դոնորների հայկական ռեեստրի շնորհիվ լեյկեմիայով տառապող իրանցի փոքրիկի կյանք է փրկվել: Երեխայի փրկության հույսը համատեղելի դոնորից ցողունային բջիջների փոխպատվաստումն էր: Դոնոր է դարձել լեյտենանտ Սերգեյ Օհանյանը:

Սպան դոնորագրվել է դեռեւս 2012 թվականին՝ Վ.Սարգսյանի անվան ռազմական համալսարանում սովորելու տարիներին։ Ի դեպ՝ ռազմական համալսարանը վաղուց է համագործակցում Ոսկրածուծի դոնորների հայկական ռեեստրի հետ։

Ոսկրածուծի դոնորների հայկական ռեեստրը հիմնադրվել է 1999 թվականին։ Հիմնադրամի առաքելությունն է՝ աշխարհասփյուռ հայերին օգնել հաղթահարել արյան մի շարք մահացու հիվանդությունները, որոնք հաճախ բուժվում են ոսկրածուծի/ցողունային բջիջների փոխպատվաստմամբ:

Մինչ օրս ռեեստրում կամավորագրվել է շուրջ 29.000 դոնոր, ռեեստր դիմած 4.485  հիվանդի հետ նախնական համընկնող 4369 պոտենցիալ դոնոր է հայտնաբերվել, որոնցից 27-ը նվիրաբերել են իրենց ցողունային բջիջները:

Հիշեցնենք, որ դոնոր դառնալու համար հարկավոր է լինել 18-50 տարեկան, հանձնել 3 մլ արյուն եւ հարցաթերթիկ լրացնել: Դոնորագրվելն անվնաս եւ անցավ գործընթաց է, տեւում է հաշված րոպեներ, սակայն հնարավորություն է տալիս հետագայում, համատեղելիության հայտնաբերման դեպքում, փրկել մեկ կյանք:

NEWS.am Medicine

loading...
 

  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Հակաբեղմնավորման ո՞ր մեթոդները կարող են պաշտպանել ՄԻԱՎ-վարակից:
1. Ընդհատված սեռական ակտը
2. Պահպանակը
3. Հորմոնալ հակաբեղմնավորիչները
4. Ներարգանդային պարույրը
5. Չգիտեմ