Սեւ պաղպաղակը նվազեցնում է հակաբեղմնավորիչների արդյունավետությունը

14 հուլիսի, 2017  20:32

Հանրաճանաչություն ձեռք բերող սեւ պաղպաղակը կարող է նվազեցնել հակաբեղմնավորիչների արդյունավետությունը եւ անցանկալի հղիության հանգեցնել դրա բաղադրության մեջ մտնող ակտիվացված ածուխի պատճառով:

Ակտիվացված ածուխով պաղպաղակը, որը յուրահատուկ սեւ գույն ունի, ավելի հանրաճանաչ է դառնում, հատկապես  առողջ կենսակերպի հետեւորդների շրջանում: Սակայն հիմա Մեծ Բրիտանիայում միջնորդագիր է հայտնվել, որը սեւ պաղպաղակ արտադրողներից պահանջում է փաթեթների վրա նախազգուշացնող գրառում տեղադրել, որ  պաղպաղակի օգտագործումը կարող է նվազեցնել օրալ հակաբեղմնավորիչների արդյունավետությունը:

Տասնյակ տարիներ ակտիվացված ածուխը հիվանդանոցներում օգտագործվում է հիվանդների դետոքսիկացիայի համար: Ածուխն աբսորբենտ է, իսկ սա նշանակում է, որ այն ասես իր մեջ է ներծծում ստամոքսի տոքսինները: Սակայն այս նույն մեխանիզմը ակտիվացված ածուխին թույլ է տալիս ներծծել նաեւ դեղամիջոցները, այդ թվում` օրալ հակաբեղմնավորիչները: Միջնորդագրում նշված է, որ ակտիվածված ածուխը կարող է նվազեցնել ոչ միայն չպլանավորված հղիության վերահսկման միջոցների արդյունավետությունը, այլեւ այլ դեղարայքների, որոնք նախատեսված են ամենատարբեր խանգարումների դեմ պայքարի համար:

Երկու շաբաթում այս միջնորդագիրը համացանցում հավաքել է գրեթե 20 հազար ստորագրություն: Գինեկոլոգների տվյալներով` ակտիվացված ածուխն իսկապես կարող է նվազեցնել օրալ հակաբեղմնավորիչների արդյունավետությունը, սակայն միայն այն դեպքում, եթե այն մեծ չափաքանակներով են ընդունում: Եթե կինը սեւ պաղպաղակ է վայելում ամսական մեկ անգամ, ոչ մի բանից զգուշանալու կարիք չկա:  Սակայն երբ այս քաղցրավենիքն օգտագործվում է ամեն օր կամ օրական 2 անգամ, ավելի լավ է օրալ հակաբեղմնավորիչներից հրաժարվել, քանի որ դրանց էֆեկտն իսկապես կնվազի:

Հետևեք NEWS.am Medicine-ին Facebook-ում և Twitter-ում

loading...
 

  • Այս թեմայով
  • Տեսանյութեր
 
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ինչպե՞ս կարելի է իմանալ, որ մարդը ՄԻԱՎ-վարակ ունի:
1. ՄԻԱՎ-ով մարդը մշտապես հոգնածություն եւ քնկոտություն է զգում:
2. ՄԻԱՎ-ով մարդու մազերը ավելի վաղ են սպիտակում, քան մյուս մարդկանց դեպքում:
3. Եթե մարդու մոտ առկա է ՄԻԱՎ, դա նրա արտաքինից է երեւում:
4. ՄԻԱՎ-ի առկայության կամ բացակայության մասին կարելի է իմանալ միայն հատուկ անալիզ հանձնելուց հետո:
5. ՄԻԱՎ-ով տառապող մարդու մարմնին կապուտկները հեշտ են առաջանում: